Saraviello

De Biquipedia
Ir ta: navego, busca
Saravillo
Localidat d'Aragón
086.Saravillo 01.JPG
Vista parcial de Saravillo.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
Plan
Población
 • Total

79 hab. (2005)
Altaria 950 m.
Distancia
 • 152 km
 • 32 km
 • 7 km

enta Uesca
enta l'Aínsa
enta Plan
Codigo postal 22367
Chentilicio saravillenco
Parroquial
 • Diocesi
 •Arciprestato

Balbastro-Monzón
Sobrarbe
Start hand.svg Esta fuella ye escrita n'el parlar de La Comuna.

Saravillo, historicament dito Saraviello[1] en aragonés (oficialment y en castellano, Saravillo) ye un lugar d'el municipio de Plan, más abaixo d'esta villa, ta la coda d'a val de Chistau, an que s'achunta el barranco d'el Mont con el Cinqueta, a l'endrecho de La Comuna.

El lugar se troba a poqueta distancia de la carretera que puya ta Chistau, 1 km t'alto a la dreta d'ésta per la pista sinyalada tot puyando per el camín de Salinas ta alto, de 100 metros radius antes de pasar el esbarre de La Comuna y no más de 500 metros d'antes d'es tunels de La Inclusa. Saravillo cal mirar-se-lo malas que se puya, y te'l trobas esflamiciau en las faixetas de Las Lerosas (Punta Calva) a'l canto d'el barranco de la Espuena.

El lugar de Saraviello ye el puesto de salida d'an que se puya ta la Basa de la Mora, per la pista de La Imant, en es pasos de la Punta Calva, dimpués chira un poquet per debaixo d'el Pinar de la Freda y se fica ta la valleta d'el barranco de Galliners. Quan ye difuera d'el barranco, la pista pasa per La Solana de la Inclusa y enfila ta alto per la vesant de la Punta d'es Litars, ta'l cubilar de Labasar que ye el zaguer recuesto d'an que más luego torna a baixar ya ta la vallonada an que ye l'ibón.

Si se fa la puyada per la pista de Labasar, que sigue el barranco d'es Galliners y pasa per Vaticiellas, se puet yir ta la falda de la Penya de la Una (2681 m) que ye la Ereta d'as Bruixas, an que complega tamién la pista d'el Collau de la Ribereta que ye un paso de mal esnabesar dende la Basa de la Mora. Dos camins ta'l mesmo puesto.

Saravillo ye, tamién, el puesto que ye prencipal ta foter-se n'el Macizo de Cotiella, perque tiene pistas regulars y bien fetas ta puyar-ie, mesmo que ta alto ta voltorín e La Llerga, per la pista que enfila ta la ermita de Santa Isabel.

Toponimia[editar | editar código]

El nombre que dan a'l lugar es suyos vecins ye coincident con el nombre oficial, Saravillo. Manimenos, la forma historica documentada, y que corresponde con la fonetica aragonesa, ye Saraviello, encara que i hai testimonios antiguos que el documentan como Zarandiello (forma popular antigua), u Sartaviello (en el Fogache de 1495). En l'aragonés de la Valle de Tella se documenta encara Saraviello:

No se si iremos ta Saraviello.[1]

A parla de Saravillo[editar | editar código]

Gnome-searchtool.svg
Ta más detalles, veyer l'articlo aragonés chistabínveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Dende el punto de vista lingüistico, Saravillo conserva l'aragonés chistabín con es mesmos rasgos comuns de La Comuna (Sin, Senyes, Serveto) pero con un mayor grau de castellanización y menor vitalidat. L'aragonés d'estes quatro lugars se caracteriza per l'emplego del pasau sintetico en cuenta del pasau perifrastico emplegau en es lugars de Chistén, San Chuan y Plan. Asinas emplegan: puyón, baixez, fayón, dicié, vayón, frent a van puyar, voz baixar, van fer, voy decir, van dir, que son las formas d'es lugars de Chistén, San Chuan y Plan. A ran de lexico, ye común con tot Sobrarbe y más que más con la Vall de Chistau, encara que cuenta con bela parola propia de l'aragonés de Saravillo como ye "amadul" (martuel).

Ha escrito en aragonés de Saravillo, Joaquina Mur, en el libro "más d'antes en Saravillo, vida y parlaje" editau per el REA y con introducción y estudio lingüistico de Fernando Romanos.

Mosén Bruno[editar | editar código]

La ilesia de Santa María de l'Asunción, de Saraviello, an que fayó es servicios "Mosen Bruno".
Se veiga l'articlo prencipal: Mosen Bruno Fierro.

En Saravillo fayó exercicio de mosen, n'el sieglo XIX, el famoso Bruno Fierro, el cura más conoixiu de tot Sobrarbe. De las fetas, tozoladas y farinazos d'el mosen montanyés nos n'ha quedau encara buen celemín n'el decir popular de la chent de la valle y per tot Sobrarbe enlá. D'ell s'ha dito que no teneba el costumbre de decir de vustet a dengún, pos que deciba que "en habendo tractau de tú a Dios mesmo, no podeba fer más cosa".

A la virchen que ye prencipal y matrona d'el lugar, a Virchen d'Agosto, diz que le teneba tantas confianzas, que vayó un diya a pescar ta el Cinqueta estando-ie tot el maitín y que no en quitó mica peix, y tot rematando se'n salió difuera d'el río y no heba puisto agarrapizar que una trucheta que no feba el gran d'el dido d'uno. Alavez, farto como yera de pescar y marchar sin res, se'n vayó ta alto ta'l lugar y se metió a escape en a ilesia, con el peixet en las mans, y carranyoso que yera, a carranyar a la virchen per no haber-le dau un d'es peixes granizos que tanto se feban viyer n'el río.

Atra cosa que fayó, metió el lugar de Saravillo n'es libros d'historia perque aduyó a que el cheneral Prim pasase ta Francia per un d'es camins de contrabando que ell tant bien conoixeba, per la ribera Sallena y el Puerto d'Ordiceto, ta que se podese exiliar.

Fiestas[editar | editar código]

Referencias[editar | editar código]

  1. 1,0 1,1 (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010, p 257.

Vinclos externos[editar | editar código]


Lugars d'o municipio de Plan
Plan | Saraviello | Serveto | Senyes