Forqueta (agricultura)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre as forquetas que se les mete a las plantas enfiladeras ta que i puyen. Ta o cubierto de mesa se veiga Forqueta.
Una branqueta de chudiguera s'enfila por a forqueta que se l'ha meso ta refirmar-la.

En agricultura, una forqueta ye o palo que se les mete a cualques especies de plantas cautivadas no-lenyosas ta dar-les un soporte estructural por a on que creixer (platas enfiladeras) u t'a on que ligar-las ta mantener-les as partes aerias como mas luent d'o suelo y d'a humedat posible.

Importancia[editar | modificar o codigo]

As forquetas se fan servir tanto con plantas que son de forma natural enfiladeras, como a chudiguera y a bisaltera, como con belatras que son de regular rastreras, por eixemplo a tomatera. En as primeras, a función evident ye de dar-les soporte estructural por a on que creixer y privar asinas que pillen y s'enreliguen con as atras plantas d'o huerto y as faigan servir a ellas como refirme, o que les perchudicaría en o creiximiento. En as segundas, a función ye privar que o fruito pille calamón en estar en contacto con o suelo y con a humedat, y que pueda estar rosigau por os animalichons terrestres, como chicoz radedors y gasteropodos (limacos y caragols).

Instalación[editar | modificar o codigo]

As plantas que precisan forquetas suelen sembrar-se u plantar-se en un numero par de caballons en o huerto, y a'l costau es uns d'os atros. Isto ye important pus, ta millorar a estabilidat estructural y con a finalidat de no haber de punchar as forquetas guaire fondas en a tierra (o que podría malmeter as venas d'a planta a la que acompanyan en o momento d'instalar-las), as forquetas se fienden en tierra una micarrona a'l biés, inclinadas en mirando ta o caballón contiguo, y se ligan de dos en dos por o extrimo d'alto.

Bastida de forquetas ta unas chudigueras.

Unatra forma posible de meter-las ye de tot verticals, pero unidas con traveseras, a modo de latas, que se liga con cordetas u cordeletc de tela (igual como se liga dimpués as matas contra la forqueta), de forma que constituigan un entarabidau u bastida de dos a dos.

Se veiga tamién[editar | modificar o codigo]