Occitans

De Biquipedia
(Reendrezato dende Oczitans)
Ir a la navegación Ir a la búsqueda
Occitans
Portrait frederic mistral.jpgBernadette Soubirous.pngJean jaures.jpg
Frédéric Mistral · Bernadeta Sobirós · Joan Jaurés
Población total
15 millons
Rechions con comunidatz importants
Flag of France.svg Francia
Flag of Spain.svg Espanya
Flag of Italy.svg Italia
Flag of Monaco.svg Mónegue
Idiomas
Occitán
Relichión
Catolicismo.
Pueblos relacionatos
Pueblos latins

Os occitans son os habitants autoctonos de diferents territorios historicos d'o sud de Francia que en conchunto reciben a denominación d'Occitania por compartir a luenga tradicional occitana y estar tradicionalment catolicos. Os occitans d'a Provenza y Lenguadoc tienen una cultura mediterrania diferent a la d'atros pueblos d'Occitania y Francia. Son cristians catolicos.

Occitania

A luenga occitana ye a evolución d'o latín vulgar charrato en Galia (latín galico), pero en un aria més romanizata y con menos substrato indichena. En a Novempopulania (l'Aquitania prerromana) a situación yera diferent y o substrato en cuenta d'estar galo de tot yera sobretot vasco-aquitán.

Occitania nunca ha existito como un estato independient. Ya en l'Alta Edat Meya chusto quan se desfeba o Imperio Carolinchio a mayor parte d'Occitania correspondeba a Aquitania y una important parte de l'este yera en o Reino d'Arles-Borgonya. O territorio de Gascunya yera ocupato por os gascons, pueblo que os occitans veyeban como un pueblo d'una luenga diferent (un estanh lengage), pero que dimpués han sito consideratos occitans dica o punto que en tiempos d'a revolucion francesa a denominación que recibiba l'occitán cheneral yera "gascón".

Encara que esminglanata en muitos territorios feudals, en Occitania i habió una florata cultural común que amés irradió t'atros países vicins como Navarra, Aragón, Catalunya, ecetra..., on l'occitán yera a luenga d'a lirica. O periodo d'explendor d'a cultura occitana remató con a cruzata contra os albichenses, quan o Lenguadoc fue adhibito a lo patrimonio reyal d'a monarquía francesa.

En l'actualidat os occitans son muito asimilatos a los franceses y se consideran franceses mayoritariament. L'asimilación y perduga d'a cultura y luenga tradicional s'ha accelerato muito en o sieglo XX con l'arribata d'os pietz negros refuchiatos d'Archelia, que parlan francés y dimpués con l'arribata d'a inmigración masiva d'orichen arabe u berber d'una traza que a chent orichinaria de Berberia son mayoritarios en muitos vicos d'as grans ciudatz.

Modo de vida tradicional[editar | editar código]

En a Provenza y Lenguadoc a economía tradicional ye como en atras tierras de clima mediterranio, con cautivos tipicament mediterranios como a olivera, a vegatas combinatos con atros cautivos en o que se conoix como coltura promiscua.

En a zona de Bordeus bi ha vinyeros.

En os Monts Pireneus y Alpes bi ha pastoreyo de montanya y puet haber-ie transuancia estacional.

Luenga[editar | editar código]

Ta más detalles, veyer l'articlo idioma occitánveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Actualment os occitans parlan francés, y una minoría d'ellos charran encara a luenga tradicional occitana. Bi ha occitans que saben charrar catalán (en a Val d'Arán) u italián (en as vals alpinas d'Italia on se charra occitán).

Relichión[editar | editar código]

A relichión tradicional ye catolica, destacando o santuario de Lorda como centro de pelegrinación relichiosa. En o pasato i habió seguidors d'o catarismo y de relichions protestants (hugonotz). Muitos hugonotz fuyoron ta países protestants curiosament s'establioron en Sudafrica con os holandeses.

Historia[editar | editar código]

Ta más detalles, veyer l'articlo Historia d'Aquitaniaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Ta más detalles, veyer l'articlo Historia d'a Provenzaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Occitans en Aragón[editar | editar código]

Qualques historiadors y lingüistas como Manuel Alvar han parlato d'o papel destacato d'os occitans en a repoblación en Aragón, en especial os gascons y languedocians. En Chaca i habió un vico occitán, o Burnau ("Burgo Nuevo"). A población occitana tamién estió lumerosa en Uesca y Zaragoza. En o Sistema Iberico a repoblación occitana estió important en os lugars d'a ribera y cuenca de Xiloca.

Dimpués d'a repoblación a inmigración occitana estió costant, y i habió un periodo d'inmigración dimpués d'a Edat Meya que coincidiba con as guerras de relichión en Francia.

En Aragón bi ha muitos apellitos d'orichen occitán: Guallar (deformación de Guallart), Morlans, Albiac, Cirac, Benaque (castellanización de Benac, como a mayor parte d'os apellitos que rematan en -aque), Les, Morlana, Samatán, Tolosa, ecetra...

Occitans en Navarra[editar | editar código]

Os occitans participoron en a repoblación de Navarra, y a inmigración occitana continó dimpués d'a repoblación. Estella fue poblata por occitans y l'occitán cispirenenco encara se i charraba en o sieglo XVI. En Pamplona tamién i heba vicos occitans, en conflicto con os habitants nativos, d'o vico d'a Navarrería, conflicto que produció a Guerra d'os Tres Burgos.