Octavio Sierra Sangüesa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Octavio Sierra Sangüesa
Información personal
Puesto de naixencia	Chaca (Aragón)
Ocupación	lexicografo, mayestro, historiador
Obras	*La tradición oral de Ejea desde 1900 hasta nuestros días. *Vocabulario general de las Cinco Villas de Aragón

Octavio Sierra Sangüesa ye un lexicografo, mayestro y historiador aragonés naixito de Chaca.

Popiello, en 1935 se'n va a vivir con os suyos dos chirmanos ta o barrio zaragozano d'o Rabal. Treballó de mayestro en o colechio que fundó una tía suya, Matilde Sangüesa, en lo dito barrio. En la Universidat de Zaragoza, estudió Historia en a Facultat de Filosofía y Letras. Treballó como docent en Carinyena, Tamarit de Litera y Exeya d'os Caballers. En ista villa, primerament en o Colegio Corazón de María y, mas tarde, en o Instituto «Reyes Católicos», dando clases de latín y griego. Con os alumnos d'o Instituto, limpió y ordenó l'Archivo Parroquial y colaboró en a catalogación de l'Archivo Historico Municipal d'Exeya.

Inició los intercambios con a ciudat francesa de Marmanda, en Òlt y Garona, orichen de l'achirmanamiento entre las dos ciudaz. Se tresladó en 1975 ta Barcelona, por cuestions profesionals y, en l'actualidat, vive en o Rabal de Zaragoza.

Tradición oral d'Exea

En 1980, publicó La tradición oral de Ejea desde 1900 hasta nuestros días,^[1] fruito d'as largas charradas con as personas mayors. I recenta la intrahistoria d'Exea, curiosidaz, personaches y le sirvió tamién d'alazet d'o vocabulario d'Exea. Tiene encara dos libros ineditos sobre lo Racionato y la Villa en os sieglos XVII y XVIII.

Vocabulario de Cinco Villas

Elaboró lo Vocabulario general de las Cinco Villas de Aragón^[2], con a colaboración d'os vecinos d'Exea y redolada. Tiene unas 2500 entras y se'n han feito muitas copias antes d'a suya publicación en 2003.^[3]^[4] Lo Diccionario Aragonés: aragonés-castellano, castellano-aragonés, de Rafael Andolz Canela, de 1977, integra buena parte d'iste treballo.^[5]

Os enquestaus son d'os lugars de: Asín, Biel, Biota, Castellón de Val de Chasa, Castiliscar, Exeya d'os Caballers, Lo Frago, Luna, Luesia, Pintano, Bagüés, Undués-Pintano, Puent de Luna, Sierra de Luna, Sadaba, Sofuentes, Taust, Uncastiello y Val Palmas.

Referencias

↑ autoedición, Zaragoza
↑ Vocabulario general de las Cinco Villas de Argón, Exea d'os Caballers, Centro de Estudios de las Cinco Villas, IFC, 2003
↑ Ejeadigital.com, Ejea ha acogido la presentación del 'Vocabulario general de las Cinco Villas de Aragón', consulta de 14-11-2015.[1]
↑ José Luis Aliaga Jiménez, 'La lexicografía del aragonés: balance sumario y perspectivas de ¿futuro?', Lexicografía de las lenguas románicas. Perspectiva histórica, vol. 1, De Gruyter, Berlín-Boston, 2014; p. 11.[2]
↑ 'Bibliografía. Diccionarios y vocabularios': «Sierra, Octavio: Vocabulario de Ejea. Inédito. Propiedad del autor. Ejea, 1965?»

Datos: Q25619906

[1] utoedición, Zaragoza

[2] Vocabulario general de las Cinco Villas de Argón, Exea d'os Caballers, Centro de Estudios de las Cinco Villas, IFC, 2003

[3] Ejeadigital.com, Ejea ha acogido la presentación del 'Vocabulario general de las Cinco Villas de Aragón', consulta de 14-11-2015.[1]

[4] José Luis Aliaga Jiménez, 'La lexicografía del aragonés: balance sumario y perspectivas de ¿futuro?', Lexicografía de las lenguas románicas. Perspectiva histórica, vol. 1, De Gruyter, Berlín-Boston, 2014; p. 11.[2]

[5] 'Bibliografía. Diccionarios y vocabularios': «Sierra, Octavio: Vocabulario de Ejea. Inédito. Propiedad del autor. Ejea, 1965?»

[1]

[2]

[3]

[4]

[5]