Monesterio de Sant Per o Viello

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sant Per o Viello
Situación cheografica
Estato
País
'
Situación	Uesca, Aragón
Adreza
Coordenatas
Archidiocesi
Diocesi	Uesca
Arcipestrau
Información cheneral
Advocación	Sant Per
Culto
Orden	Exclaustrato
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Vesitable
Altaria
Pisos
Amplaria
Largaria
Superficie
Diametro
Aforo
Altaria s.r.m.
Atras
Alcance
Iluminación
Potencia
Arquitectura
Tipo	Monesterio
Estilo	Romanico
Función
Catalogación	Bien d'intrés cultural
Materials
Construcción
Construcción	Sieglo XII
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Sant Per o Viello Sant Per o Viello en Aragón

O Monesterio de Sant Per o Viello ye un monesterio romanico d'o sieglo XII situato en o casco antigo d'a ciudat de Uesca (Aragón). Considerato Molimento Nacional dende 1886, a suya arquitectura y escultura lo convierten en un d'os conchuntos historicos mas importants d'o romanico aragonés.

Lo que estió a suya Sala Capitular fa a función de panteyón reyal, con os sepulcres de dos reis d'Aragón: Alifonso I o Batallero y su chermano y sucesor, Remiro II o Monche.

Historia

Encara que restas arqueolochicas trobatas en iste puesto revelan que astí habió bel tipo de templo u necropoli romana, bi ha que asperar dica zaguerías de l'Alta Edat Meya dica trobar o bayo historico d'o edificio.

En conquerir a ciudat de Uesca en 1096, os cristianos d'o Reino d'Aragón troboron, en o puesto a on que hue ye o monesterio, un templo cristiano visigodo adedicato a Sant Per y que heba estato emplegato mientres o dominio arabe por os mozarabes d'a ciudat (alavez dita Wasqa). A o templo le deciban "o viello" istos cristianos que heban plegato con a reconquiesta, nombre que encara s'alza en os nuestros dias.

O templo fue donato a la orden d'os beneditins, que quisioron esviellar-lo y convertir-lo en un monesterio mas d'alcuerdo a os cánons esteticos d'a epoca, ye decir, lo que se diz actualment estilo romanico. O comencipio d'a suya construcción se sitúa en l'anyo 1117, mientres o reinato d'Alifonso I o Batallero y poco antis d'a conquiesta d'a ciudat de Zaragoza (1118).

Se puet considerar que en zaguerías d'o sieglo XII l'edificio yera rematato de tot, encara que dimpués le anyadiroron atros elementos (pinturas, esculturas, retablos, etc.), como ye habitual en iste tipo de construccions.

L'edificio

Claustro d'o monesterio.

L'edificio tien dos partis prencipals: a ilesia y o claustro.

A ilesia ye formata por tres naus y os suyos respectives absides. O retablo mayor ye de fusta policromata feito por Juan de Alí (artista navarro) en primerías d'o sieglo XVII. As capiellas que rodian a iglesia amostran intresants obras d'arte de diferents periodos:

• Retablo d'a Virchen de l'Asperanza (sieglo XVI), d'estilo renaixentista.
• Retablo d'os santos Chusto y Pastor (sieglo XVII), d'estilo barroco.
• Retablo de l'Anunciación (sieglo XV-XVI), d'estilo gotico.
• Pinturas murals d'o sieglo XIII.
• Sillería de madera d'o coro (sieglo XVII)

O suyo claustro rectangular ye formato por arcos de meyo punto y columnas dobles con elaboratos chapitels (38 en total, 18 orichinals y a resta reproduccions d'o sieglo XIX) que representan a vida de Chesús de Nazaret, asinas como atras escenas de caracter alegorico y historico. Iste claustro tien en a suya parti este cuantas capiellas en desigual estato de conservación:

• Capiella de Santa Ana y Sant Chusé (sieglo XIII); en a actualidat se troba zarrata.
• Capiella de Sant Benedet (sieglo XIII).
• Capiella de Sant Bertolomeu u Panteyón Reyal. Ista estió a sala capitular d'o monasterio. Astí se troban as restas d'os reis d'Aragón:

• Alifonso I o Batallero y su chermano y sucesor:
• Remiro II o Monche, en un sarcofago romano d'o sieglo II.

As antigas cambras d'os monches (situatas en a zona ueste d'o claustro) s'adedican hue a acubilar diferents piezas de gran valor artistico y historico d'o monesterio (piezas d'orfebrería, chicotas estatuas, etc.).

Mencions en textos medievals

Amanix en os documentos lingüisticos de l'Alto Aragón que Tomás Navarro estudeó:

vino don Per Bonanat el jouen ad aquel parral que es termino de Osca, que diçen la Closa de la font de Cuadryllos, el cual dito parral dito Don Per Bonanat tenia la ecclesia de Sant Per el Viello de Osca, & presencia de buenos omnes dito don Per Bonanat priso...

En l'anyo 1452 un tal Ferrera Gil dixaba escrito en o suyo testamento:

cinquo sueldos pora hun cirio pora la capiella de Sant Benedet de la yglesia de San Pedro el Viello d'Uesca.

En atros textos sobre propiedaz y heredaz podemos leyer tamién San Per el Viello, por eixemplo en un texto d'o 13 de febrero de 1311 escrito en Uesca y en o que confirmaban a posesión d'un vinyero a lo Monesterio de Santa Clara de Uesca:

Hotro campo que afruenta con campo de San Per el Viello et con la paul del dicto Pompien.

Et un campo de regatiel que afruenta con campo de San Per el Viello de Huesca et con la zequia vecinal.

Se veiga tamién

• Arte romanico.
• Orden de Sant Benedet.
• Uesca.

Vinclos externos

• Se veigan as imachens de Commons sobre o Monesterio de Sant Per o Viello.
• (es) Románico Aragonés: San Pedro el Viejo de Huesca.