Meleagris gallopavo

De Biquipedia
Ir a la navegación Ir a la búsqueda
Meleagris gallopavo
Wild turkey eastern us.jpg
Masclo de guajolote u pavo montesino.
Estato de conservación
Status iucn2.3 LC.svg
Seguro (IUCN)
Clasificación scientifica
Dominio:
Eukaryota
Reino:
Animalia
Filo:
Chordata
Clase:
Aves
Orden:
Galliformes
Familia:
Phasianidae
Chenero:
Meleagris
Subespecie:
Meleagris gallopavo silvestris.
Meleagris gallopavo osceola.
Meleagris gallopavo intermedia.
Meleagris gallopavo merriami.
Meleagris gallopavo mexicana.
Meleagris gallopavo gallopavo.
Descripción
Meleagris gallopavo
LINNAEUS, 1758
Distribución cheografica
Wild Turkey.png
Distribución d'os pavos montesinos.

Meleagris gallopavo (L., 1758) ye una especie d'au gallinacia d'a familia d'as fasianidas natural d'America d'o Norte, que habita en as selvas d'os Estatos Unitos y Mexico.

A especie ye conoixida más que más por os eixemplars domesticos, conoixitos como pavos, criatos en gran cantidat y diferents variedatz en tot lo Mundo pa l'alimentación humana. As poblacions montesinas que encara existe en Norteamerica reciben o nombre vernaclo de guajolotes en espanyol mexicano (d'a luenga náhuatl <huehxolotl, de <hua, «selva», y <xólotl, «gallo»,[1] en o sentito de «gallo de selva»).

Descripción[editar | editar código]

Os pavos u guajolotes son aus terrestres de gran mida, que pueden volar distancias curtas pero se gosan desplazar por tierra, caminando. Tienen un plumache griso plomo, nacrato, con brilluras iridescents en o papo, dorso y alas. As plumas remeras (d'as alas) pueden estar más u menos blancas, u tener macas blancas con un disenyo regular. As timoneras, d'a coda, son bicolors en griso y blanco en as puntas. Muitos eixemplars masclos tienen un grupet de plumas filamentosas, como plumallo, en o peito.

A cabeza y a parte distal d'o cuello son despulladas, sin plumas, y de color royisca. Os masclos tienen tamién a cara, a redol d'o pico y os uellos, más azuladeta a partir d'a madureza sexual.

Tiene carunculas distendibles que en especial os masclos unflan mientres fan a parada nupcial. A caruncla d'a parte superior d'o pico recibe o nombre de «moco» y ye a más distendible.

Comportamiento reproductivo[editar | editar código]

Os pavos son animals gregarios tot l'anyo. Manimenos, en a temporada reproductiva se gosan aplegar en claros y pratos a on que os masclos executan una exhibición nupcial que, en aragonés, se conoix como «fer a rulet».

As pavas s'ocupan solas d'a construcción d'es niedos y de meter y guardar as cobatas, que consisten normalment en de 5 a 8 uevos blancos, d'a mida d'un uevo d'anade. Como todas as gallinacias, os pavos son aus nidifugas.

As pavas son conoixidas por estar mais devotas de sus polletz, a os qui guardan y defienden más que muitas atras aus de corral. Iste comportamiento tant protector s'aprofeita a sobén ta fer-las fer de nodrizas de belatras especies, pus pareixito a como pasa con as aucas se diz que no conoixen ni quántos uevos coban nian si sus fillos son pavos u no. Por ixa razón, a sobén se le mete uevos d'atras gallinacias (encara entre es suyos propios) y se les fa incubar-los: quan os polletz amaneixen es crían a totz por igual.

Referencias[editar | editar código]

  1. (es) Guajolote, consultato o 14 d'aviento de 2015.

Vinclos externos[editar | editar código]