Aladro

O treballo con l'aladro tradicional, estibau por un abrío de dos caballos.

L'aladro alatre, alladro u aladre ye una ferramienta agricola emplegada ta remover y escardar os suelos en ubrir-be sulcos con una fuella vulcadora d'acero que, por efecto d'a tracción, creba la superficie d'a tierra y ne vulca los ceborrons, facilitando asinas que i dentren os nutrients y, sobretot, lo nitrocheno atmosferico que cal que siga fixau por as bacterias d'o suelo ta que pueda ser emplegau por as plantas caultivatas.

Historia

L'aladro puet ser considerau como evolución d'a pica u d'a ixata por a suya forma, y que en o momento d'a suya aparición historica, significó un cambio profundo ta l'agricultura perque permitioó a saber-los cambios en o escalio y lo treballo de grans superficies de tierra.

En os suyos oríchens, l'aladro yera estibau por personas y dimpués, con o paso d'as cheneracions, se bi metioron animals ta fer esta fayena; mulas, bueis y en bels puestos, caballos. Actualment, totas ixas bestias han estau reemplazatas por os tractors agricolas como elemento de tiro.

Aladros actuals

Os aladros actualment son feitos de tot de metal y s'emplegan enganchaus a un tractor agricola; d'ixa traza, l'emplego d'animals en as fayenas de labranza ha quedau talment oblidau en muitos puestos d'o primer mundo.

Parz de l'aladro

Esquema simplificau con los components d'un aladro: 4) cuitre 5) dental 6) rella.

En l'aladro bi ha diferents piezas que cumplen funcions concretas: cuitre, dental, rella, vuembre, etcetera.

Ditos y mazadas

• «aladro rubinau poco trigo almacenau»

Veyer tamién

• Aladro romano.
• Brabant.
• Rella.
• Cuitre.
• Cuitre (part de l'aladro).
• Vuembre.

Vinclos externos

• Se veigan as imáchens de Commons sobre los aladros.

• Datos: Q11464
• Multimedia: Ploughs / Q11464