Lucía López Marco
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Lucía López Marco | |
|---|---|
| Información personal | |
| Naixida o: | 10 de setiembre de 1988 |
| Naixida de: |  Zaragoza
|
| Ocupación: | Albeitar y escritora |
| Obras: | Cuan plegue o colapso |
Lucía López Marco (Zaragoza, 10 de setiembre de 1988) ye una albeitar aragonesa, divulgadora sobre o medio rural y l'agroecolochía y coordinadora d'a ONG Justicia Alimentaria en Aragón. Amás ye escritora en luenga aragonesa, habendo ganau bels premios importants entre os que destaca o Premio Arnal Cavero de l'anyo 2022.
Biografía[editar | modificar o codigo]
En l'anyo 2012 se licenció en Albeitaría por a Universidat de Zaragoza, ya que o suyo suenio yera tener una explotación vacuna. Pero por o camín descubrió l'agroecolochía y a divulgación: en l'anyo 2015 reyalizó un máster en Agroecolochía, Desarrollo Rural y Agroturismo en a Universidat Miguel Hernández d'Elch y en l'anyo 2019 fació un máster en Periodismo y Comunicación Cientifica por a UNED. Contina soniando con ir pastora bel día.[1] En l'anyo 2020 se tresladó a vivir ta Navasa, localidat d'o municipio de Chaca, en a comarca d'a Chacetania, en a provincia de Uesca,[2] bels meses antis de que naixiera a suya primera filla.[3]
Trachectoria profesional[editar | modificar o codigo]
Dende que remató os suyos estudios, ha treballau y colaborau en cuantos prochectos arredol d'a ganadería sostenible, o desarrollo rural y a sobiranía alimentaria en Bolivia, Alemanya, Aragón y Cantabria. Ha treballau en l'Instituto Agronomico Mediterranio de Zaragoza (IAMZ-CIHEAM) en cuantos prochectos d'investigación, como SIMRA (Innovación Social en Arias Rurals Marchinals)[4] u iSAGE (Innovación pa la sostenibilidat d'ovinos y cabrinos en Europa); y en os rez d'investigación d'o CIHEAM, como o ret FAO-CIHEAM d'ovinos y cabrinos. Y previament en as arias de transferencia y formación y de socioeconomía d'o Centro d'Investigación y Formación Agrarias de Cantabria (CIFA Cantabria).[5]
Dende l'anyo 2020 treballa como coordinadora d'a ONG Justicia Alimentaria en Aragón.[6]
Mallata[editar | modificar o codigo]
En l'anyo 2015 ubrió o blog mallata.com sobre ganadería extensiva, medio ambient, agroecolochía y desarrollo rural. "Mallata" ye un termín aragonés pa nombrar a puesto en mel meyo d'o campo que sirve de cubilar a o bestiar y a os pastors en as nueiz de pastoreyo o transhumancia.[7]
En mallata.com se puet consultar un mapa, publicau en l'anyo 2020,[8] que reculle mas de 350 iniciativas empentadas por mullers rurals en localidaz de menos de 20.000 habitants,[9] u o mapa que replega 18 iniciativas de transformación y puesta en valura d'a lana de razas autoctonas.[10] Tamién se pueden leyer y consultar gratuitament os numeros publicaus en a Revista Mallata, disponible tanto en aragonés como en castellano y que reculle testimonios narraus en primera persona por as suyas protagonistas: mullers que viven y treballan en o medio rural.[11]
Colaboracions con atras iniciativas d'o medio rural[editar | modificar o codigo]
Fa parti d'o prochecto de Dinamización d'iniciativas sostenibles y locals en o Pireneu y Semontano Aragonés (Mincha d’aquí),[12][13] de RuralESS (Grupo dinamizador de la Economía Social y Solidaria en el medio rural aragonés). Fa parti d'a Chunta Directiva d'a Plataforma por a Ganadería Extensiva y o Pastoralismo dende a suya creyación en l'anyo 2017.[14]
Fa parti d'o Ret de Periodistas Rurals.[15] Colabora en distintos medios d'información como ElDiario.es d'Aragón,[16] The Conversation España, Revista Agroecólogica de divulgación, Divulga UNED, Red Científica Remedia, AraInfo, entre atros.[17]
Dende 2018 escribe chunto con María Sánchez o manifiesto feminista 'Por un feminismo de hermanas de tierra' que renuevan cada anyo pa dar a conoixer as reivindicacions d'as mullers rurals con motivo d'o 8 de marzo.[18]
Obras[editar | modificar o codigo]
Ha colaborau en a realización de libros tematicos sobre feminismo y cambeo climatico, en a realización de series tematicas sobre temas agroganaders, ha feito publicacions cientificas sobre mullers rurals, despoblación u etnoveterinaria.[19]
Premios y reconoiximientos[editar | modificar o codigo]
- 2014 Copla ganadora en l'anyo 2014 del XVII concurso de coplas en aragonés d'o Concello de Zaragoza.[20]
- 2021 XV edición d'os Premios 20Blogs millor blog en a categoría Blogosfera Verde.[21][22]
- 2021 XXIV edición Premios Félix de Azara d'a Deputación Provincial de Uesca, en a categoría de medios de comunicación social, premio por ‘Mallata’, un blog sobre o medio rural.[23][24][25]
- 2022 Premio Arnal Cavero 2022 a la suya obra literaria en aragonés ‘Cuan plegue o colapso’.[26]
Vinclos externos[editar | modificar o codigo]
- (es) Mallata
- (es) Justicia Alimentaria
Referencias[editar | modificar o codigo]
- ↑ (es) "Lucía López Marco | divulgauned". http://divulgauned.es/author/lucia-lopez/.
- ↑ (es) "Mujeres con una nueva vida en el medio rural". https://www.rtve.es/play/audios/el-gallo-que-no-cesa/mujeres-nueva-vida-rural/5900782/.
- ↑ (es) "Lucía López veterinaria y bloguera: "Sin mujeres, no hay entorno rural, eso está clarísimo"". https://www.xlsemanal.com/personajes/20210418/lucia-lopez-veterinaria-bloguera-vida-mujer-rural.html.
- ↑ (es) SIMRA. "Author: Lucía Lopez Marco". http://www.simra-h2020.eu/index.php/author/lopezmarco/.
- ↑ (es) "Redes FAO-CIHEAM Ovinos y caprinos Pastos y forrajes - Lucía López Marco Instituto Agronómico Mediterráneo de Zaragoza (IAMZ-CIHEAM) ...". https://es.readkong.com/pagr/redes-fao-ciheam-ovinos-y-caprinos-pastos-y-forrajes-5715232.
- ↑ (es) "Aragón | Justicia Alimentaria". https://justiciaalimentaria.org/donde-trabajamos/aragon-0.
- ↑ (es) "Mallata, refugio y altavoz de la ganadería extensiva". https://www.heraldo.es/noticias/aragon/2020/01/03/mallata-refugio-y-altavoz-de-la-ganaderia-extensiva-1350775.html.
- ↑ (es) "El ‘Google maps’ de la mujer rural". https://www.heraldo.es/noticias/aragon/2020/09/18/el-google-maps-de-la-mujer-rural-1395188.html.
- ↑ (es) "Mapa de iniciativas impulsadas por mujeres rurales". https://mallata.com/mapa-de-iniciativas-impulsadas-por-mujeres-en-el-medio-rural/.
- ↑ (es) "Mapa de iniciativas para poner en valor la lana". https://mallata.com/mapa-de-iniciativas-para-poner-en-valor-la-lana/.
- ↑ (an) (es) "Revista Mallata". https://mallata.com/revista-mallata/.
- ↑ (es) "Alternativas: El mensaje sostenible y activismo mediático de Lucía López Marco". https://www.tierra.org/alternativas-el-mensaje-sostenible-y-activismo-mediatico-de-lucia-lopez/.
- ↑ (es) "El proyecto "Mincha D'aquí", inicia su segunda fase en Alto Gállego y Jacetania". https://www.radiohuesca.com/emisoras/radio-sabinanigo/el-proyecto-mincha-d-aqui-inicia-su-segunda-fase-en-alto-gallego-y-jacetania-27022021-151203.html.
- ↑ (es) "Acta fundacional de la plataforma por la ganadería extensiva y el pastoralismo". http://www.ganaderiaextensiva.org/wp-content/uploads/2021/02/Estatutos-WEB-sin-firmas.pdf.
- ↑ (es) "Primera Red de Periodistas Rurales. Quiénes somos.". https://reddeperiodistasrurales.com/periodistas/.
- ↑ (es) "Lucía López Marco". https://www.eldiario.es/autores/lucia_lopez_marco/.
- ↑ (es) "Colaboraciones en medios". https://mallata.com/colaboraciones-en-medios/.
- ↑ (es) "Por un feminismo de hermanas de tierra: Manifiesto 2020 por las mujeres rurales". https://mallata.com/por-un-feminismo-de-hermanas-de-tierra-manifiesto-2020-por-las-mujeres-rurales/.
- ↑ "Publicaciones". https://mallata.com/publicaciones/.
- ↑ (es) "Fillo d'as estrelas". https://mallata.com/fillo-das-estrelas/.
- ↑ (es) "Lucía López, de Navasa, reconocida en los Premios 20blogs por 'Mallata'". https://jacetaniaexpress.com/lucia-lopez-de-navasa-reconocida-en-los-premios-20blogs-por-mallata/.
- ↑ (es) "Reconocimiento a Mallata, un blog de la Jacetania, Onda Cero Radio". https://www.ondacero.es/emisoras/aragon/noticias/reconocimiento-mallata-blog-jacetania_2021101461682146f9341900019d2d72.html.
- ↑ (es) "Lucía López, de Mallata.com, Premio Félix de Azara de la DPH". https://www.pirinews.es/lucia-lopez-de-mallata-com-premio-felix-de-azara-de-la-dph/.
- ↑ (es) "El jurado falla los vigésimo cuartos Premios Félix de Azara que otorga la Diputación Provincial de Huesca". https://www.europapress.es/aragon/noticia-jurado-falla-vigesimo-cuartos-premios-felix-azara-otorga-diputacion-provincial-huesca-20211212113454.html.
- ↑ (es) "Lucía López: “No me gusta hablar de la España vaciada, más bien de la España imaginativa”". https://www.diariodelaltoaragon.es/noticias/comarcas/monegros/2021/12/31/lucia-lopez-no-me-gusta-hablar-de-la-espana-vaciada-mas-bien-de-la-espana-imaginativa-1543706-daa.html.
- ↑ (es) "Lucía López Marco, ganadora del Premio Arnal Cavero 2022". https://arainfo.org/lucia-lopez-marco-ganadora-del-premio-arnal-cavero-2022/.
| Predecesor: José Solana Dueso |
Premio Arnal Cavero 2022 |