Premio Arnal Cavero

De Biquipedia
Ir a la navegación Ir a la búsqueda
Premio Arnal Cavero
Premio a Obra literaria inedita escrita en aragonés de qualsiquier chenero.
Concedito por Gubierno d'Aragón
País Flag of Aragon.svg Aragón
Idioma Aragonés
Pachina web Pachina web oficial
Historia
Primera edición 1988

O Premio «Pedro Arnal Cavero» u Premio «Arnal Cavero» ye un certamen literario en luenga aragonesa convocau con periodicidat anyal por o Departamento de Cultura d'o Gubierno d'Aragón ta fomentar y espardir a creyación literaria en "qualsiquiera d'as modalidatz de l'aragonés"[1]. O premio s'atorga a una obra literaria inedita en qualsiquier chenero (narrativa, poesía, teatro, asayo, traducción, ezt.) que s'ha de presentar explicitament seguntes a convocatoria d'o premio.

En l'anyo 2012 dimpués de l'aprebación d'a zaguera y restrictiva lei de luengas de PP-PAR, chuntó o Premio Arnal Cavero con o Premio Guillem Nicolau anomenadolo Premio Arnal Cavero-Guillem Nicolau y los deixó sin de dotación economica, amás d'eliminar a obligación de publicar as obras ganadoras como o Gubierno d'Aragón feba antes d'istes cambeos, as quetre seguents edicions ha quedau sin ganadors dimpués de no presentar-se-ie garra obra, y en lanyo 2016 no se comvocó o premio..

En l'anyo 2017 se restableix o Premio a l'estau anterior a 2012.

Etapas d'o Premio Arnal Cavero[editar | editar código]

O premio «Pedro Arnal Cavero» s'estatueix en 1987 como un premio de novela en "fabla aragonesa" (sic en l'orichinal) de conchunta con o Premio Guillem Nicolau de novela en catalán (seguntes a convocatoria, en "qualsiquiera d'as modalidatz d'o catalán que se charra en Aragón u d'alcuerdo con l'uso normalizau de dita luenga")[2]. A primera convocatoria ye a de 1988[2].

Manimenos, en 1989, o nuevo gubierno aragonés presidiu por Hipólito Gómez de las Roces apreba un nuevo decreto que estatueix nuevament o premio «Pedro Arnal Cavero», pero ista vegada ta obras "en qualsiquiera d'as modalidatz linguisticas aragonesas emplegadas adintro d'o territorio d'a Comunidat Autonoma d'Aragón",[3] fendo d'ista traza desapareixer o Premio Guillem Nicolau. O decreto de 1989 tamién cheneraliza a mena de treballos litearios que se pueden presentar ta o premio (poesía, teatro, narrativa...) y indica que as obras que se presenten han d'estar previament publicadas.

En 1995 se tornan a estatuir separadament o premio «Pedro Arnal Cavero» ta treballos de creyación literaria en aragonés u en cualsiquiera d'as suyas variedatz linguisticas,[4] o Premio Guillem Nicolau ta treballos de creyación literaria en catalán parlau en Aragón u en qualsiquiera d'as suyas variedatz linguisticas. De conchunta con istos dos premios, s'estatueix un nuevo premio, o Premio Baltasar Gracián a la creyación literaria en castellán. Se torna a premiar obras ineditas, sin restrinchir o tipo de creyación.

Finalment, en 2001 un nuevo decreto, hue en vigor, torna a establir os Premios «Arnal Cavero» ta treballos de creyación literaria y traducción en qualsiquiera d'as modalidatz de l'aragonés[1]. En o mesmo decreto se estableixen o Premio «Guillem Nicolau» ta treballos de creyación literaria en qualsiquiera d'as modalidatz d'o catalán parlau en Aragón, o Premio «Ramón J. Sender» ta novela en castellán y se reorienta o Premio «Baltasar Gracián». En 2012, o nuevo gubierno aragonés d'o PP lo chunta con o premio en catalán pa clamar-lo “Premio Arnal Cavero-Guillem Nicolau”.

Iste premio que antes en yera dos (o Premio Arnal Cavero pa luenga aragonesa y o Premio Guillem Nicolau pa luenga catalana) se fusionó en uno pa las dos luengas dimpués de l’aprebación d’a zaguera y restrictiva lei de luengas de PP-PAR. O Gubierno aragonés tamién deixó sin dotación economica a totz os suyos premios literarios, amás d'eliminar a obligación de publicar as obras ganadoras como o Gubierno d’Aragón feba antes d’istes cambeos. Dende iste cambeyo en o 2012 as 4 zagueras edicions d'o premio han quedau sin ganadors dimpués de no presentar-se-ie garra obra y en l'anyo 2016 no se convoca o premio. [5]

En l'anyo 2017 o Premio torna a las mesmas condicions que teneba d'antis de 2012 con a restablita d'a dotación economica y a obligación de publicar a obra ganadora.

Historial de premiatos[editar | editar código]

Ganadors d'o Premio Arnal Cavero (1)
Edición Obra ganadora Autor Referencias
1988
1989 Astí en do l'aire sofla ta sobater as fuellas d'os árbols (2) Chusé Inazio Nabarro [6]
1990 Horas Sueltas Cleto Torrodellas Mur (Pablo Recio) [7]
1991
Disierto (3)
[8]
1992 Continazión (1922-1983) (4) Chuana Coscujuela Pardina [9]
1993 Memória de la set. Antologia de la nova poesia aragonesa (5),(6) VV.AA. (a cura del Seminari de Filologia Romànica de la Universitat de Heidelberg). [10]
1994
No se convocó.
1995 As zien claus Chusé Raúl Usón Serrano
1996 (7)
1997 Cuan l'odio esbatega pel aire Carmen Castán Saura
1998 Fendo a parola Chabier Tomás Arias
1999
Disierto
2000 Parolas tristas Fabián Castillo Seas
2001 Neoterica José Antonio Saura Rami
2002 La descordada bida de Sinforosa Sastre Carmen Castán Saura [11]
2003
Disierto(8)
[12]
2004
Disierto(9)
[13]
2005 Baxo a mirada de Os Fustez Fernando Romanos Hernando [14]
2006 Bidas crebazadas Rubén Ramos Antón [14]
2007 A escondeducas en l'alcoba Carmina Paraíso Santolaria [14]
2008 En l'altro canto d'a güega Rubén Ramos Antón [14]
2009 Fillos d'as luengas Santiago J. Paricio Martín [14]
2010 Filorchos d'o zaguer curso en Gabardiés VV.AA.(10) (obra colectiva coordinada por Francho Nagore Laín) [15]
2011 Chuegos florals. Repuis d'asperanza y malinconía Óscar Latas Alegre [14]
2012
Disierto
[16]
2013
Disierto
[17]
2014
Disierto
[18]
2015
Disierto
[19]
2016
No se convocó
2017 El siñor de San Chuan. José Solana Dueso [20]

(1) En a lista no feguran os ganadors d'accésits u mencions especials.
(2) Accesit d'o churau t'a obra "Dizionario Aragonés-Castellán, Castellán-Aragonés" de Chusé Aragüés.
(3) Accesit d'o churau t'a obra "Falorietas de Chistén" d'a Escuela Publica de Chistén.
(4) Accesit d'o churau t'a obra "II Premio Literario en Aragonés «Lo Grau»" por quantos autors, editau por o Concello de Lo Grau.
(5) En ista edición o premio fue ta una obra en catalán pues as edizions basadas en o Decreto 55/1989 yeran premios a la creyación en as modalidatz linguisticas parladas en Aragón.
(6) Accesit d'o churau t'a traducción "O Prenzipet" publicada por Gara d'Edizions (Traducción de Chusé Aragüés).
(7) Accesit d'o churau t'a obra "Arcosanchuan de birabolas" de Miguel Santolaria García.
(8) Mención especial d'o churau t'a obra "Esboldregán" de José Sanmartín Sopena.
(9) Mención especial d'o churau t'as obras "La Borda de Chamot" de José Sanmartín Sopena y "Ortensia de Chudas" de Óscar Latas Alegre.
(10) Obra colectiva, por Rosa Arbués Arbués, Martín Bagüés Rasal, Pazeta Banzo Torralba, Pedro Borau Calvo, Lola Giménez Banzo, Luisa de Haro Navarro, José Antonio Mallada Fabana, José Fermín Ortas Torralba, Estefanía Ortas de Haro, Chuan Orús Pueyo, Miguel Posa Montori, Estela Torralba Torralba, Olga Uruén Ortas y Francho Nagore Laín, que ha actuau como coordinador.

Referencias[editar | editar código]

  1. 1,0 1,1 Decreto 253/2001, de 23 de octubre, del Gobierno de Aragón, por el que se regulan los premios a la creación literaria.
  2. 2,0 2,1 Decreto 33/1987, de 1 de abril, de la Deputación General de Aragón, por el que se instituyen y convocan los premios "Pedro Arnal Cavero" y "Guillém Nicolau", de novela.
  3. Decreto 55/1989, de 18 de abril, de la Deputación General de Aragón, por el que se da nueva redacción al Decreto 33/1987, de 1 de abril, por el que se instituyó el Premio de novela en cualquier modalidad lingüística aragonesa.
  4. Decreto 46/1995, de 28 de marzo, de la Deputación General de Aragón, por el que se instituye el premio Arnal Cavero a la creación literaria en aragonés o en cualquiera de sus variedades lingüísticas.
  5. O Premio literario Arnal Cavero-Guillem Nicolau en aragonés y catalán queda desierto
  6. Decreto 56/1990, de 17 de abril, de la Deputación General de Aragón], por el que se otorga el Premio "Pedro Arnal Cavero" en su edición de 1989-1990.
  7. Decreto 76/1991, de 16 de abril, de la Deputación General de Aragón, por el que se otorga el "Premio Pedro Arnal Cavero 1990" a la creación literaria impresa en cualquier modalidad lingüística aragonesa.
  8. Decreto 62/1992, de 15 de abril, de la Deputación General de Aragón, por el que se otorga el "Premio Pedro Arnal Cavero 1991" a la creación literaria impresa en cualquier modalidad lingüística aragonesa.
  9. Decreto 33/1993, de 13 de abril, de la Deputación General de Aragón, por el que se otorga el Premio "Pedro Arnal Cavero 1992".
  10. Decreto 80/1994, de 12 de abril, de la Deputación General de Aragón, por el que se otorga el premio Pedro Arnal Cavero 1993.
  11. Decreto 386/2002, de 17 de diciembre, del Gobierno de Aragón, por el que se otorga el Premio «Arnal Cavero 2002» a Dª Carmen Castán Saura.
  12. Decreto 343/2003, de 16 de diciembre, del Gobierno de Aragón, por el que se declara desierto el premio «Arnal Cavero 2003
  13. Decreto 10/2005, de 11 de enero, del Gobierno de Aragón, por el que se declara desierto el premio «Arnal Cavero 2004».
  14. 14,0 14,1 14,2 14,3 14,4 14,5 Centro del Libro de Aragón. Premios Arnal Cavero.
  15. Decreto 22/2011, de 8 de febrero, del Gobierno de Aragón, por el que se otorga el Premio «Arnal Cavero 2010» al grupo de autores coordinado por Francho Nagore Laín.
  16. Heraldo de Aragón (30/4/2013): El jurado del premio Arnal Cavero-Guillem Nicolau 2012 ha estado compuesto por Humberto Vadillo, Mª Luisa Arnal Purroy, Francho Beltrán Audera, Javier Lozano Sierra, Fernando Romanos Hernando y Fernando Sánchez Pitarch.
  17. Orden de 29 de abril de 2014, de la Consejera de Educación, Universidad, Cultura y Deporte, relativa al “Premio Arnal Cavero-Guillem Nicolau 2013” [1]
  18. Orden de 10 de abril de 2015, de la Consejera de Educación, Universidad, Cultura y Deporte, relativa al “Premio Arnal Cavero-Guillem Nicolau 2014” [2]
  19. (es) Ningún escritor se presenta al premio literario en aragonés y catalán de la DGA
  20. (es) José Ramón Ayllón, Luis Felipe Alegre, Pregunta Ediciones, Mario Sasot y José Solana, premios literarios de Aragón 2017