Košice

De Biquipedia
Ir a la navegación Ir a la búsqueda
Košice
Localidat d'Eslovaquia
Bandera Escudo d'armas
View over Old Town from St. Elisabeth Cathedral Bell Tower - Kosice - Slovakia (36428414991).jpg
Košice
Estato
 • Rechión
 • Rechión historica
 • Districtos
Flag of Slovakia.svg Eslovaquia
Košice
Abov
Košice I, II, III y IV
Superficie 242,33 km²
Población
 • Total
 • Densidat

240.688 hab. (2016)
993,22 hab/km²
Altaria 211 m.
Ríos Hornád
Coordenatas
48°43′00″N 21°15′00″E
Košice en Eslovaquia
Košice
Košice
Situación de Košice en Eslovaquia
www.kosice.sk

Košice (en hongaro Kassa, en alemán Kaschau, en romaní Kascha, en latín Cassovia) ye una ciudat d'Eslovaquia. Teneba 239.797 habitants en l'anyo 2013, y ye a segunda ciudat mas gran d'Eslovaquia dimpués d'a capital, Bratislava.

Toponimia[editar | editar código]

Estela con o escudo d'armas d'a villa y a seu de fundo.

O primer decumento escrito que en fa mención d'o establimiento d'una comunidat data de l'anyo 1230 con o nombre de Villa Cassa.[1] As atras formas antigas trobadas relacionadas con o nombre de Košice son Cassa, Kassa u Kossa. L'orichen no ye conoixiu, pero a explicación mas probable sería que o pueto tenese un nombre d'orichen eslavo que se podría traducir por 'chent de Koša', y Koša sería l'apelliu d'una familia. A cuenca de Košice ya yera habitada en a epoca d'a colonización hongara y dimpués alemana, pero os colonizadors habrían preso o nombre d'as poblacions locals. Dimpués, os administradors alemanys d'a villa transformoron o nombre en Kaschau y os hongaros en Kassa. A forma latinizada Cassovia y o suyo adchectivo cassovés provendría d'o Renaiximiento y de l'humanismo.[2]

Cheografía[editar | editar código]

Situación[editar | editar código]

Košice se troba en una depresión ubierta enta o sud en a traviés d'a que fluye o río Hornád, un subafluyent d'o río Tisza. Ye rodiada por as montanyas de Čierna Hora a o norte y os tozals de Volovské Vrchy a l'ueste; istas dos formacions fan parti d'o conchunto d'as montanyas Metaliferas Eslovacas. A l'este, os tozals de Slanec zarran a depresión.

L'altaria meyana d'o territorio d'a villa ye de 208 m, o cobaixo situau a 184 m a cantos d'o Hornád y o cobalto a 851 m en a cima d'o tozal dito Vysoký Vrchk. As zonas construyidas se troban en a depresión a una altaria meya de 200 m; nomás bells pocos barrios perifericos son construyius en as versants d'os tozals, a una altaria de 300 m. A superficie d'a ciudat ye de 24.382 ha, d'as que 9.270 (38%) yeran en 2003 tierras agricolas. A o norte y a l'ueste, en os macizos de Volovské Vrchy y Čierna Hora, a villa tien 19.432 ha de selvas que sobrepasan as mugas administrativas, por lo que se convierte en o segundo propietario forestal d'Europa central no estatal dimpués d'a ciudat de Viena.

Relacions internacionals[editar | editar código]

Representacions diplomaticas[editar | editar código]

Bi ha 8 consulaus en Košice. O consulau cheneral d'Hongría se troba en a carrera Hlavná; os seis atros consulaus son os de Belchica, Espanya, Turquía, Francia, Rusia, Mongolia y Alemanya.

Francia y a Republica Checa i contan con un centro cultural, l'Alliance française de Košice y o Centro Checo de Košice.

Eurorrechions[editar | editar código]

Košice chuga un papel important en a cooperación rechional transnacional con a suya condición de seu d'oficina nacional d'a eurorrechión Carpatos, y dende de l'1 d'aviento de 2000, un d'os polos d'a eurorrechión bipolar de Košice-Miskolc.

Ciudatz achirmanadas[editar | editar código]

Molimento en a carrera Hlavná.

Fillos ilustres[editar | editar código]

Referencias[editar | editar código]

Vinclos externos[editar | editar código]