Fratercula arctica
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Fratercula arctica | |
|---|---|
.jpg) | |
| Denominacions populars | |
flairet
| |
| Estau de conservación | |
| Clasificación cientifica | |
| Animalia | |
Filo:
|
Chordata |
| Aves | |
| Charadriiformes | |
| Alcidae | |
| Fratercula | |
| F. arctica | |
| Descripción | |
| Distribución cheografica | |
 | |
O flairet[1] (Fratercula arctica (Linnaeus, 1758)[2]) ye una au d'a orden d'os Charadriiformes y familia Alcidae que ye nativa de l'Oceano Atlantico.
Pasando l'agüerro y l'hibierno en l'oceano ubierto d'as fredas mars d'o norte, o flairet torna a las redoladas costeras a l'encomienzo d'a temporada de reproducción en zaguerías d'a primavera. Fa niedo en colonias en o cobalto d'as cinglas, cavando un cado en o cual mete un solo uego blanco.
Ye l'au oficial d'a provincia canadiense de Terranova y Labrador.
Mide de 28 a 30 cm de luengo dende a punta d'o suyo pico gruixudo dica la suya coda de punta roma. A suya envergadura ye de 47 a 63 cm y en tierra mide uns 20 cm d'altaria. Lo masclo ye per un regular un mica mas gran que la fembra, pero tienen a mesma color. A frent, a coroneta y a foyeta son de color negra brilant, igual que la esquena, as alas y la coda. As partis inferiors de l'au, o peito, a tripera y las coberteras inferiors d'a coda son blancas. Totas dos patas y los grans piez palmeaus son de color narancha brilant, lo que contrasta con as zarpas esmoladas y negras. Lo pico ye muit distintivo. De costau, o pico ye amplo y triangular, pero visto dende alto, ye estreito. A metat amán d'a punta ye de color roya anaranchada y la metat amán d'o tozuelo ye grisa.
A dieta d'o flairet consiste cuasi en a suya totalidat en peix.
Historicament, os flairets s'atrapaban y se minchaban frescos, salaus en salmuerra u zafumaus y ixucaus. Os flairets agora son protechius per a lechislación, y en os países an a caza encara ye permitida, como Islandia y las Islas Feroe, as leis estrictas aprevienen a sobreexplotación.[3]
Subespecies[editar | modificar o codigo]
- F. a. arctica
- F. a. grabae
- F. a. naumanni
Referencias[editar | modificar o codigo]
- ↑ (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.122
- ↑ (en) Jobling, James A (2010). The Helm Dictionary of Scientific Bird Names. London: Christopher Helm. p. 164. ISBN 978-1-4081-2501-4
- ↑ (en) Lowther, P E; Diamond, A W; Kress, S W; Robertson, G J; Russell, K; Nettleship, N G; Kirwan, G M; Christie, David A; Sharpe, C J; Garcia, E F J; Boesman, P F D (2021). Billerman, S M (ed.). "Atlantic Puffin (Fratercula arctica) version 1.0". Birds of the World. Ithaca, NY, USA: Cornell Lab of Ornithology.
Vinclos externos[editar | modificar o codigo]
Se veigan as imachens de Commons sobre Fratercula arctica.
