Fernando Romanos Hernando

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Fernando Romanos Hernando
Fernando Romanos en a presentación de l'Academia de l'Aragonés en a Universidat de Zaragoza
Información personal
Calendata de naixencia	1963
Puesto de naixencia	Zaragoza
Ocupación	Escritor

Fernando Romanos Hernando (Zaragoza, 1963) ye un investigador d'as variedaz vivas de l'aragonés y escritor. Ye diplomato en Troballo Social y Relacions Laborals y Profesor de IES en Utevo (Zaragoza).

Ye vinclau dende fa muitos anyos a la Val de Chistau (Casa Tornel de Chistén) y participa activament en a vida social de Sobrarbe. Ha adedicau anyos arrienda a investigar y conoixer a luenga aragonesa charrada en ixos lugars y a amostrar l'aragonés en entidaz como a Universidad Popular de Zaragoza.

Ye miembro d'o Consello d'a Fabla Aragonesa, d'o Consello Asesor de l'Aragonés y estió fundador de o Ligallo de Fablans de l'Aragonés. Ye responsable de socialización de l'Academia de l'Aragonés.

Ha dirichiu os programas europeu FEDER-Interreg Dezaga d'es Perineus: replegar una cultura d'a parola de formación en materia de luengas minoritarias entre l'aragonés y o gascón y POCTEFA-Interreg Culturas Pirenaicas y Nuevas Tecnologías^[1] ta creyar una fonoteca transfronteriza en espacio virtual con gravacions d'aragonés y de gascón y a edición de un diccionario cuatrilingüe aragonés, gascón, francés, espanyol, y coordinó uns anyos o programa Luzía Dueso de promoción de l'aragonés en as escuelas.

En lo politico se presento en las eleccions municipals por Chunta Aragonesista en Andorra (Teruel) en 2007 ^[2]

Obras

Asayo

Fernando Romanos ye autor (solo u con atros autors) de cualques obras d'investigación sobre dialectolochía aragonesa:

Al límite: la pervivencia del aragonés en las comarcas del norte de Zaragoza.
L'aragonés de A Fueba: bocabulario y notas gramaticals (chunto con Fernando Sánchez)
Fraseología del Chistabín (chunto con Fernando Blas)
El aragonés de Baixo Peñas (chunto con Fernando Blas)
Diccionario Aragonés: Chistabín-Castellano (chunto con Fernando Blas). Este treballo, publicau en 2008, obtenió en 1999 una mención especial en o premio Marqués de Lozoya d'o Ministerio de Cultura.
Mas d'antes en Sarabillo. Bida y Parlaje (chunto a Joaquina Guillén). Rolde de Estudios Aragoneses (2010). Se tracta d'un libro sobre a vida cutiana tradicional a partir d'os testimonios de Joaquina Guillén vecina de Saraviello, coordinaus por Fernando Romanos, qui n'i fa tamién l'analís lingüistica.

Tamién ye autor de cualques articlos en revistas, como Modismos y expresiones con el verbo Fer en Chistabín, El aragonés residual de Tardienta, Belsetán a ixambre, La frontera del perifrástico en aragonés, Aragonés ribagorzano: lesico emplegau en a obra de Pablo Recio, u O parlache de Tella: aragonés del Alto Sobrarbe.

Literatura

En o plano literario, ha ganau cualques premios por narracions curtas como "Barucas pegallosas" (premio Naya), "O lupo saputo" y "Es bulturnos", (Premio Falorias RENA 1981 y 1982) "Farto" (Xalón de Plata), "Baixo l'augua". (premio Alto Aragón 1983). "la princesa de la basa" (accésit d'o V premio de relato corto Junto al Fogaril 2011). Va conseguir o premio Arnal Cavero en 2005 con o libro de poemas "Baixo a mirada de Os Fustez" y o Premio "Ziudá de Balbastro" en 2010 con a novela "Alas de Papel. Gernika, 1937." En 2011 ganó a XIV edición d'o Concurso de coplas aragonesas en aragonés organizau por o Concello municipal de Zaragoza, con a colección titulada Versos ta ella^[3]

Creyación audiovisual

Ye autor d'obras audiovisuals como "Patrimonio Lingüistico en Alta Zaragoza" y "Patrimonio Lingüistico en Agüero" producidas y dirichidas por Eugenio Monesma, y "Patrimonio Lingüistico en a Bal de Tena", "O dia d'o traje d'Ansó", "La falleta y el diya d'a cultura chistabina", "De Fago a Erisué: archivo audiovisual del aragonés", "l'aragonés de Fonz", "patrimonio lingüistico en Ribagorza" (estes cinco zaguers chunto con Fernando Blas). Fernando Romanos y Fernando Blas dirichen l'Archivo Audiovisual de l'Aragonés, un amplo prochecto de replega en vidio dichital d'as variedaz vivas de l'aragonés por meyo de testimonios de personas vivas que parlan l'aragonés.

Referencias

Predecesor:
Carmen Castán Saura (en 2002)

Premio Arnal Cavero
2005

Succesor:
Rubén Ramos Antón

Datos: Q8961381

[1] Thermes-Magnoac. Cultures pyrénéennes et nouvelles technologies, en o diario La Depeche.

[2] Candidaturas proclamadas para las Elecciones Locales a celebrar el próximo día 27 de mayo de 2007.

[3] Noticia d'a concesión d'o XIV Concurso de coplas aragonesas en aragonés (2011) en a pachina web d'o Concello de Zaragoza

[1]

[2]

[3]