Comme un chef

Comme un chef
Títol	Comme un chef
Póster d'a cinta
Ficha tecnica
Dirección	Daniel Cohen
Dirección artistica	Dominique Moisan Patrick Tandiang
Producción	Sidonie Dumas
Disenyo de producción	Hugues Tissandier
Guión orichinal	Daniel Cohen Olivier Dazat
Musica	Nicola Piovani
Soniu	Lucien Balibar
Fotografía	Robert Fraisse
Montache	Géraldine Rétif
Escenografía	Evelyne Tissandier
Vestuario	Emmanuelle Youchnovski
Maquillache	Françoise Quilichini
Peluquería	Margo Blache
Efectos especials	Guy Monbillard
Actors	Michaël Youn Jean Reno Raphaëlle Agogué Julien Boisselier Salomé Stévenin Serge Larivière Issa Doumbia Bun Hay Mean Pierre Vernier Santiago Segura
Datos y cifras
País(es)	Francia
Anyo	2012
Estreno	21 de chinero de 2012 Festival Internacional de Cine de Comedia de l'Alpe d'Huez Alpe d'Huez (Auvernia-Roine-Alpes, Francia)
	7 de marzo de 2012 Francia
Chenero(s)	Cine de comedia
Durada	85 min.
Idioma(s)	Francés
Companyías
Productora(s)	Gaumont TF1 Films Production
Distribución	Gaumont
Presupuesto	10,020.000 euros
Informacions en bases de datos especializadas:

Comme un chef (títol orichinal en francés, en aragonés Como un chef, estrenada en Aragón con o títol en castellano de El chef, la receta de la felicidad, O chef, a recepta d'a felicidat en aragonés) ye una cinta francesa de comedia de l'anyo 2012 dirichida por Daniel Cohen seguntes un guión orichinal d'él mesmo y d'Olivier Dazat, con dirección de fotografía de Robert Fraisse y Banda Sonora Orichinal de Nicola Piovani. Producida por Sidonie Dumas ta las productoras Gaumont y TF1 Films Production, en a cinta participan, entre d'atros, os actors Michaël Youn, Jean Reno, Raphaëlle Agogué, Julien Boisselier, Salomé Stévenin, Serge Larivière, Issa Doumbia, Bun Hay Mean, Pierre Vernier y Santiago Segura.

A cinta s'estrenó lo 7 de marzo de 2012 mientres a 62^ena edición d'o Festival Internacional de Cine de Berlín, en Alemanya, y se prochectó en muitos festivals cinematograficos arredol d'o mundo. Tanimientres, a criticas d'a cinta no estioron pas guaire positivas. Comme un chef s'ambienta en a ciudat de París en epoca actual d'a cinta (2012).

Argumento

Jacky Bonnot ye un talentoso chef que no ha teniu pas guaire exito en os suyos treballos en os restaurants, a on gosan despedir-lo en estar masiau eficient y exquisito en o suyo treballo y en o contacto con os clients. Vive con a suya novia, Béatrice, qui se troba embarazada. Bel día la suya novia li diz que no pueden continar asinas y que s'amenista que accepte cualsiquier treballo y que li dure tiempos. Finalment troba un treballo ta pintar una residencia d'ancianos.

D'atra man, Alexandre Lagarde ye un prestichioso chef con tres estrelas en a Guía Michelin (ye decir, una calidat excepcional d'a cocina d'o restaurant, que chustifica lo viache nomás que por ixo) pero que tien problemas con o propietario d'o restaurant Cargo Lagarde, Stanislas Matter, qui quiere fer cambios ta tener un restaurant de cocina moderna y experimental y li molesta que Alexandre contine en o restaurant.

Jacky ye pintando en a residencia pero veye que os cociners no son fendo bien una recepta con bacalau y dende la finestra lis diz cómo han de fer-la. Finalment dentra por a finestra en a cocina y s'encarga él de fer a birolla. Lo primer día a los residents no lis cuaca guaire lo resultau, pero en bels días Jacky se converte en qui fa de contino la birolla en tenendo como aduyants a los antigos cociners. Un día plega en a residencia Alexandre ta visitar-ie a lo suyo amigo Paul Matter (qui ye lo pai de Stanislas) y iste li fa probar o plato cocinau. Alexandre reconoix inmediatament una d'as suyas receptas, perfectament preparada. Casualment Stanislas l'ha deixau sin d'aduyants y Alexandre li proposa a Jacky de convertir-se en o suyo segundo en o restaurant. Jacky ye un apasionau d'a cocina d'Alexandre, qui ye ta él un d'os grans chefs d'a cocina francesa, pero li ha prometiu a Béatrice que mantiendría lo suyo treballo de pintor y amás de treballar ta Alexandre no tiendría chornal en estar nomás que a preba. Finalment accepta la oferta d'Alexandre.

Cuan escomencipia a treballar en o restaurant, fa un cambio en una d'as receptas d'Alexandre y iste li da comiat, pero finalment torna a acceptar-lo cuan Jackie li resuelve un problema que teneba con una recepta. Pero de rapiconte tot se complica: bien luego plegarán en o restaurant os criticos d'a Guía Michelin, Stanislas li fa terne que terne lo boicot a Alexandre, la filla d'Alexandre li refreca que no sía present en a lectura d'a suya tesi doctoral que coincidirá con a visita d'os criticos y, ta remallar, Béatrice s'ha enterau de que Jackie ha deixau o suyo treballo de pintor y l'ha albandonau.

Elenco

Actor	Papel	Notas
Jean Reno	Alexandre Lagarde
Michaël Youn	Jacky Bonnot
Julien Boisselier	Stanislas Matter
Salomé Stévenin	Amandine
Pierre Vernier	Paul Matter
Santiago Segura	Juan
Serge Larivière	Titi
Geneviève Casile	Mai de Béatrice
Issa Doumbia	Moussa
Bun-hay Mean	Chang
André Penvern	Pai de Béatrice
Rebecca Miquel	Carole
James Gerard	Cyril Boss
Henri Payet	Thibault
Franck de la Personne	Client d'o Cargo
Céline Caussimon	Client d'o Cargo
Jeanne Ferron	Muller en o vestuario
Nicolas Woirion	Chefe de l'equipo de mantenimiento
Pierre Aussedat	Gérard de Luz
Ginnie Watson	Marion
Grégory Annoni	Boris
Nicolas Ullmann	Chefe de sala en l'Ampousie
Thérèse Quentin	Resident
Philippe Dehesdin	Resident
Marion Andersen	Enfermera
Alban Aumard	Serge Paillard
Kentaro	Akio Takenaka
Christian Mulot	Duenyo d'a brasería
Patricia Thibault	Client d'o Cargo
Reina Kakudate	Paseyant chaponesa en o mercau
Frédéric Saurel	Propietario d'o restaurant de cambioners
Bruno Magne	Cambionero
Sébastien Accart	Julien
Natacha Kossmann	Periodista
Christophe Paou	Regustero de l'Ampousie
Rémy Roubakha	Marco, en Rungis
Julien Girbig	Cambrero de l'Ampousie
Jean-Chrétien Sibertin-Blanc	Émilien
Brigitte Boucher	Profesora universitaria
Benjamin Boyer	Paseyant en o mercau
Alexandre Delamadeleine	Cambrero d'o Cargo
Jean-Paul Bazziconi	Vendedor en a botiga de ropa
Djamel Touijine	Propietario d'o supermercau
Laurent Claret	Critico
Cédric Zimmerlin	Disenyador
Jeanne Bournaud	Director d'o programa de televisión
Karim Wallet	Cambrero con a "blanquette"
Nicolas Bienvenu	Cambrero d'a brasería
Eric Le Roch	Client qui pide "blanquette"
Virgile Bramly	Critico d'a Guía Michelin
Élodie Hesme	Critico d'a Guía Michelin
Shawn Baichoo	Voz	No acreditau
Lorianne Krieger		No acreditada
Jovanka Sopalovic		No acreditada
Cécile Rittweger	Oficinista	No acreditau
David Serero	Client d'o restaurant	No acreditau

Critica

Cristina Bringas, en El espectador imaginario, en fa una critica positiva, mesmo considerando que ista cinta puet convertir-se en una cinta clasica aintro d'o subchenero d'o cine sobre la cocina:

Tien bellas cualidaz que pueden fer-la convertir-se en un clasico mas d'as cintas de birolla (..) poseye l'humor que caracteriza (a lo cine francés) (...) deixa pasar un buen ratet

Cristina Bringas

Alejandro Muñoz en Cine y comedia li atorga cuatro puntos sobre diez y considera que:

No desagrada, simplament ye intrascendent de raso (...) ye una comedia que no fa coscolas cuasi mai (...) formas mas topicas de tractar-los (a los temas d'a trama argumental) (...) Ratatouille se desembolica en un ambient pareixiu pero con muitismo mas intrés (...) tecnicament la cinta ye muit bien rematada y ixo d'una man camufla la mediocridat y d'atra man la fa mas evident

Alejandro Muñoz

Fausto Fernández, en a revista Fotogramas en fa una critica favorable:

Distrayida y chucosa ración de risas, enfornada a fuego lento con carinyo

Fausto Fernández

Se veiga tamién

• Cine en 2012.
• Cintas de 2012.

Vinclos externos

• (en) Comme un chef en Internet Movie Database.
• (fr) Comme un chef en Allociné.
• (en) Comme un chef en AllMovie.
• (en) Comme un chef en Rotten Tomatoes.
• (en) / (es) Comme un chef en Film Affinity.
• (en) Comme un chef en Box Office Mojo.

• Datos: Q2627558