Cinclidae

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cinclidae
Cinclus cinclus
Clasificación cientifica
Eukaryota
Animalia
Chordata
Aves
Passeriformes
Passeri
Muscicapoidea
Cinclidae
Descripción
Cinclidae
BORKHAUSEN, 1797
Distribución cheografica
Distribución en o mundo d'as cinco especies de Cinclus.

Os cinclidos (scientificament, en latín, Cinclidae) son una familia d'aus adintro d'a orden d'as paseriformes, en a superfamilia Muscicapoidea de paixaros mayoritariament insectivoros. Se i clasifica un solo chenero, Cinclus, con cinco especies[1] que habitan en America, Asia y Europa.[2]

Caracteristicas[editar | modificar o codigo]

Son paixaros (Passeriformes) adaptaus a la vida en habitats aquaticos, pus pueden nadar emplegando as alas pa empuchar-se y se capuzan en l'augua con facilidat.[2] Tienen una glandula uropichial muit productiva, que emplegan pa acetar-se as plumas, y una membrana nictitant en os uellos pa guardar-los de l'augua.

S'alimentan d'insectos y atros invertebraus que capturan en a superficie de l'augua y debaixo. Se posan alto d'as penyas y os ruellos pa albirar o contorno, detectar depredadors u intrusos en o suyo territorio, y pa cantar. Fan a vida enterament en as riberas de corsos d'augua rapidos y lempidos y fan o suyo niedo entre as penyas, entre as venas d'os árbols en os sotos u mesmo en construccions humanas, como puents y paretons, a cantos de l'augua. Os niedos son fetos de molsa y branquetas tiernas de hierba, tot aprofitando bel forau.[2]

Referencias[editar | modificar o codigo]

  1. (fr) Cinclidés, consultau lo 6 d'agosto de 2018.
  2. 2,0 2,1 2,2 (fr) Famille des cinclidés, consultau lo 6 d'agosto de 2018.

Vinclos externos[editar | modificar o codigo]