Ciconia ciconia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ciconia ciconia
Una cigüenya (Ciconia ciconia).
Denominacions populars
cigüenya ^[1], cigüenya blanca ^[2]
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Ciconiiformes
Familia:	Ciconiidae
Chenero:	Ciconia
Especie:	C. ciconia
Descripción
Ciconia ciconia Linnaeus, 1758
Distribución cheografica
Distribución d'a cigüenya.

A cigüenya (Ciconia ciconia (Linnaeus, 1758)^[3]) ye una especie d'au d'a orden d'os Ciconiiformes y familia Ciconiidae que lo suyo plomache ye sobretot blanco, con negro en as alas. Os adultos tienen patas royas largas y picos royos largos y punchigudos, y miden en promeyo 100–115 cm dende a punta d'o pico dica la coda, con una envergadura de 155–215 cm.

A cigüenya ye una au migrant de larga distancia que pasa l'hibierno en Africa dende l'Africa tropical subsahariana dica tan a lo sud como Sudafrica u en o subcontinent indio. En migrar entre Europa y Africa, priva cruciar a mar Mediterrania y esbarrar-se per l'Estreito de Chibraltar en o ueste, perque as termicas d'aire d'as cuals depende pa remontar no se forman sobre l'augua.

Carnivora, a cigüenya mincha una ampla gama de presas animals, incluyius insectos, peixes, anfibios, reptils, chicoz mamifers y chicotas aus. Prene a mayor parti d'a suya birolla d'o solero, entre vechetación baixa y d'auguas mica fundas. Ye un criador monogamo, pero no s'emparella de per vida. Toz dos miembros d'a parella construyen un gran niedo de tochos, que puede usar-se mientres cuantos anyos. Cada anyo, a fembra puede meter una puesta de cuatro uegos, que eclosionan de forma asincronica entre 33 y 34 días dimpués d'a puesta. Toz_dos pais fan redolín pa cobar os uegos y toz dos alimentan a las crietas. As crietas albandonan o niedo entre 58 y 64 días dimpués d'a eclosión y os pais las alimentan mientres 7 a 20 días mas.

Ista conspicua especie d'au ha dau puesto a muitas leyendas en tota a suya aria de distribución, d'as cuals a mas conoixida ye la historia d'os ninons que trayen as cigüenyas. Ye, a mas a mas, l'au nacional de Lituania, Belarrusia y Polonia.

Subespecies

C. c. ciconia (Linnaeus, 1758).
C. c. asiatica (Severtzov, 1873).

Referencias

↑ (es) Miniguía de Ornitología de la Comarca de la Hoya de Huesca / Miniguia d’Ornitolochía d’a Comarca Plana de Uesca, 2016, Comarca Plana de Uesca
↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (la) Linnaeus, Carl (1758). Systema Naturae per Regna Tria Naturae, Secundum Classes, Ordines, Genera, Species, cum Characteribus, Differentiis, Synonymis, Locis. Vol. I Holmiae: (Laurentii Salvii). p. 142

Vinclos externos

Se veigan as imáchens de Commons sobre Ciconia ciconia.

Datos: Q25352
Multimedia: Ciconia ciconia / Q25352
Especies: Ciconia ciconia

[1] (es) Miniguía de Ornitología de la Comarca de la Hoya de Huesca / Miniguia d’Ornitolochía d’a Comarca Plana de Uesca, 2016, Comarca Plana de Uesca

[DORTO-2] (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[3] (la) Linnaeus, Carl (1758). Systema Naturae per Regna Tria Naturae, Secundum Classes, Ordines, Genera, Species, cum Characteribus, Differentiis, Synonymis, Locis. Vol. I Holmiae: (Laurentii Salvii). p. 142

[1]

[2]

[3]