Birolla
A birolla[1][nota 1] u billolla[1][nota 2] (de l'occitán berdolha)[1] ye o conchunto de sustancias alimenticias que se consumen en diferents momentos d'o día. Una vegada que un organismo vivo se mincha os alimentos, istos proveyen d'elementos ta a suya normal nutrición y permiten a suya conservación.
En cualques zonas como a Fueva ha derivau o suyo significau enta "lifara". La documenta, entre atros, o Vocabulario Básico Bilingüe d'Antonio Martínez, o Diccionario Chistabín de Brian Mott y o Vocabulario de Baixo Peñas de Fernando Blas y Fernando Romanos.[2]
Expresions comuns
[editar | modificar o codigo]Bi ha muitas expresions relacionadas con a birolla:
- Fer a birolla, cuan se son parando los alimentos ta minchar.
- No piensa que en a birolla, cuan una persona nomás piensa en minchar.
- Estar a l'aglor de la birolla, significa estar a l'atisfa.
- A birolla presta u a birolla feita, cuan las cosas son feitas y no cal treballar.
- A birolla y cama, alochamiento con dreito tamién a comida u estada con tot pagau.
- Chornal a birolla y cama, antiga forma de pago por un treballo, en l'actualidat puet estar un complemento salarial.
- Birollada, abundancia de birolla u muita chent minchando.
- A l'ulor d'a birolla, vichilar u estar a l'aguaita.
Notas
[editar | modificar o codigo]Referencias
[editar | modificar o codigo]- ↑ 1,0 1,1 1,2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ Blas Gabarda, F. y Romanos Hernando, F.; El aragonés de Baixo Peñas. 2005, Gara d'Edizions.
