Castiello de Mequinenza

De Biquipedia
Ir a la navegación Ir a la búsqueda
Castiello de Mequinenza
Castell de Mequinensa
Mequinenza Castle.jpg
.
Situación cheografica
Estato
País
'
Situación Flag of Aragon.svg Mequinenza, Zaragoza, Aragón
Adreza
Coordenatas 41°22′27″N 0°18′09″E
Diocesi {{{diocesi}}}
Advocación {{{advocación}}}
Culto {{{culto}}}
Orden {{{orden}}}
Rector {{{rector}}}
Vicario parroquial {{{vicario1}}}
2.º Vicario parroquial {{{vicario2}}}
Mosen {{{mosen}}}
Propietario {{{propietario}}}
Administrador {{{administrador}}}
Director {{{director}}}
Coste {{{coste}}}
Vesitable {{{vesitable}}}
Altaria {{{altaria}}}
Pisos {{{pisos}}}
Amplaria {{{amplaria}}}
Largaria {{{largaria}}}
Superficie {{{superficie}}}
Diametro {{{diametro}}}
Aforo {{{aforo}}}
Altaria s.r.m. {{{altaria srm}}}
Atras {{{atras dimensions}}}
Alcance {{{alcance}}}
Iluminación {{{iluminación}}}
Potencia {{{potencia}}}
Arquitectura
Tipo
Estilo
Función
Catalogación Bien d'Intrés Cultural
Materials Piedra
Construcción
Construcción Sieglo XIV y Sieglo XV
Fundador
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Premios
Pachina web
Localización
Castiello de Mequinenza en Aragón
Castiello de Mequinenza
Castiello de Mequinenza
Situación de Castiello de Mequinenza en Aragón

Lo castiello de Mequinenza (en catalán Castell de Mequinensa) ye un castiello-palacio que se troba situau en o cobalto d'un tozal dominando o forcallo entre os ríos Ebro, Segre y Cinca en lo termin municipal de Mequinenza (Zaragoza). Fue construito por los Montcada, sinyors de la baronia de Mequinenza. Ye un edificio de los sieglos XIV a XV encara que en 1959 lo reformó considerablement l'arquitecto Adolf Florensa. Sinyala lo punto mugant entre Aragón y Catalunya, entre las provincias de Zaragoza y Leida.

Lo castiello-palacio ye de forma quadrada irregular, con siet torres rectangulars de fueras d'una, que ye pentagonal. Dos de las torres guardan la entrada, que ye semicircular, con un escudo en alto. Ye un Bien d'interés cultural de la provincia de Zaragoza.

Tot y que actualment ye una propiedat privada que perteneixe a la Fundación ENDESA, lo rechimen de visitas a lo castiello de Mequinenza permite fer-lo los martes no laborables per lo maitín. Pa ixo, cal meter-se en contacto con a Usina de Turismo de lo Concello de Mequinenza.

Descripción[editar | editar código]

Dica la plegada de los tiempos modernos, la villa y lo castiello de Mequinenza formoron un conchunto solo. Las murallas de lo castiello no nomás circunscribiban u acubillaban las construccions militars ubicadas en a cima escarpada sino que, como indicaba Quadrado "los muros de la suya mole se desprenden y baixan enta l'Ebro pa abrazar folgadament a la población".[1]​ Ta part d'alavez, cal pensar que la población s'ubicaba entre murallas y dimpués de la desaparición d'estas, creixió y se expansionó considerablement siempre a canto de l'Ebro. Las luitas que habió de sufrir constamentente lo castiello y la población facioron que estes no podesen expansionar-se y embellecer-se, estando totz dos victimas d'incendios y saqueos, entre las invasions sarracenas, entre las luitas medievals y entre l'asedio francés en a guerra de lo Francés.

Lo castiello-palacio ye de forma quadrangular irregular, con seis torres rectangulars y una setena pentagonal que ye fruto d'una reforma de lo sieglo XVII. Dos de las torres alzan la dentrada. Lo castiello se troba sobre un espolón de 185 metros de deslibel divisando la confluyencia de los ríos Segre, Cinca y Ebro. Ye protechiu en a vesant sud per una escarpada ladera en a quala son visteras las restas d'una muralla que desciende buscando lo río y en o costau norte la protección proviene d'un foso artificial.

L'acceso a lo castiello se realiza per lo suyo flanco meridional, a traviés d'una puerta con arco de meyo punto protechida per dos torres. En a puerta se conserva lo blasón de los Montcada. L'interior s'organiza arredol d'un patio descubierto sobre lo qual s'articulan las dependencias y con alchub escavau en a penya. En o sud tiene tres arcadas apuntadas y en l'ala norte conserva una escalera que conduz a la segunda planta, an ye la Sala d'Armas cubierta per boveda de canyón apuntau. En l'ala ueste ye la gran sala, que conserva los macizos arcos diafragmas que sustentaban lo teito de viegas, estando lo puesto an s'ubicaba l'antiga capiella.

Historia[editar | editar código]

En l'anyo 1133 la población, en mans de los arabes, ye conquerida per Alfonso I lo Batallador, rei d'Aragón. Nuevament, la población ye reconquerida per los sarracenos y finalment fue conquerida per Ramon Berenguer IV de Barcelona en 1185. Alifonso II d'Aragón en casar-se con donya Sancha dió a esta como prenda de la suya real estimación la villa de Mequinenza. Mas tarde, en 1192, lo mesmo rei la rebla a Armengol, conte d'Urchel. De lo dominio de los contes d'Urchel pasó lo castiello y la villa de Mequinenza a Ramón Guillén de Montcada y per succesión hereditaria, pasó a los marqueses d'Aitona y dimpués a los duques de Medinaceli.

En 1212, Pero II prometió a la suya filla lechitimada (contraita difuera de lo suyo matrimonio con Constanza d'Aragón, a lo noble catalán Guillén Ramón de Montcada en una fiesta celebrada en Taust. Lo dote que aportaría la infanta serían los senyoríos de Mequinenza, Aitona, Albalat de Cinca, Seròs y Soses con totz los suyos dreitos, castiellos, villas y termins. S'encetaba asinas la rama d'Aitona de lo linache de Montcada, que prene lo nombre de lo mas important de los senyoríos que Constanza recibió. A partir d'este momento, los descendents de lo linache de los Montcada serán los sinyors de Mequinenza.

Lo castiello de Mequinenza estió mansión en 1288 de Carlos II d'Anchú principe de Salerno, fillo de Carlos d'Anchú, rei de Nápols y Secilia, dau en ostaches per Alifonso III a los suyos barons.

Castiello de Mequinenza.

Alifonso III fació prisionero a lo citau principe de Salerno quan lo pai d'este disputaba a aquell la corona de Secilia, dimpués que heba estau desposeíddo d'ella en as famosas vespras secilianas y atribuyiu aquell reino a la casa d'Aragón. Alifonso atrancó a aquell preso, inicialment en o castiello de Monclús, pero veyendo la poca seguridat que ofriba per la proximidat con Francia, lo trayió ta lo castiello de Mequinenza dica que estió meso en libertat en 1288 en complimiento de lo tractau de Canfranc. Un de las condicions imposadas yera que la Provenza cayería baixo lo vasallache d'Alifonso III si Carlos d'Anchú incompliba ixo a lo que se le obligaba. Frai Miguel de Salas indicaba la importancia de lo castiello de Mequinenza ya que "a un principe tant gran no se le daría Palacio que no estase proporcionau a la grandeza y sobiranía d'a suya persona".[2]

Vista aérea de Mequinenza

Lo Castiello de Mequinenza sufrió diversos ataques en primerías de lo sieglo XIX con a guerra de lo Francés y la invasión napoleónica. En aquell momento, Madoz destaca que la pobación formó "companyías enteras con a suya choventut que se trobaban en os memorables puestos de Zaragoza". Los franceses, dimpués d'haber preso Leida querioron fer lo mesmo con Mequinenza que la suya posesión ansiaban per considerar-la la "clau estratechica de l'Ebro" y estar situada en una altura dominant sobre la desembocadura de los tres ríos. Lo mariscal Suchet, que mandaba en aquella zona encomendó a lo cheneral Musnier aquella misión. Pero Mequinenza y lo suyo castiello resistioron heroicament entre tres enrestidas acometidas per l'exercito francés entre l'anyo 1808. L'ataque se reprenió en chunyo de 1809 nuevament con redota francesa. Musnier, veyendo que la operación yera muito dificil per la situación estratechica defensiva de lo castiello decidió que ubriría un camín dende Torrent de la Cinca que conduciría dica lo poniente de Mequinenza pa fer plegar a los suyos hombres y la suya artillería a lo castiello. La dura operación s'enchegó lo 15 de mayo de 1810 y se prolargó dica primeras de chunyo, tiempo en o que los franceses ocuporon las posicions mas importants a canto de l'Ebro y de lo Segre.

Lo castiello se trobaba en ixe inte desfendiu per 1.200 hombres a lo mando de lo coronel Carbón. En a nueit de lo 2 a lo 3 de chunyo s'ubrió la brecha y en a de lo 4 a lo 5 l'exercito francés aconsiguió penetrar en a villa, saqueando y metendo fuego a muitas casas. Tres días dimpués, destruyidas las prencipals defensas de lo castiello y sin abrigo belún, lo guarnimiento espanyol se rindió, quedando prisionero de guerra. La conquiesta de lo castiello de Mequinenza suposó una de las grans victorias en a val de l'Ebro, per lo que a causa de la suya gran importancia decidioron inscribir-la en l'Arco de lo Triunfo de París immediatament debaixo de lo nombre de Madrit.

La fortaleza siguió amprando posteriorment los suyos servicios dica epoca recient. Dimpués d'a rendición francesa, mantenió guarnimiento entre lo sieglo XIX y se veyió afectau per nuevos avatars politicos y militars que succedioron en a historia d'Espanya y especialment entre las guerras carlistas. Ya heba perdiu ya la suya posición de palacio residencial de los Montcada y los marqueses d'Aitona y las suyas dependencias s'heban adaptau a las necesidatz de la guerra incluyindo nuevos dormitorios, la residencia de lo gubernador, almagazenes d'artillería, almagazenes de fortificación, calabozos, dormitorios d'artillers, forno de pan, fosal u quantos polvorins.

En 1816 i hai constancia d'una Reyal Orden dictada per lo rei Ferrando VII con calendata de 31 de mayo de 1816 que exposa que la villa de Mequinenza solicita a lo rei meter-la baixo lo suyo real dominio. Lo día 10 de chinero de 1819 lo corregidor de la ciudat de Fraga pasó a las casas de lo Concello y a la suya Sala Capitular pa fer complir la Reyal Orden a traviés de la quala la villa y la suya plaza pasaban a estar incorporadas a la Reyal Corona. Lo duque de Medinaceli, anterior propietario, exichió a la corona diversas compensacions como dar posesión d'un forno de pan de cocer, de quantas dehesas, treudos, dreitos a participacions de furtas y diezmos, sinyalando que lo senyorío sobre la villa de Mequinenza y lo castiello no perteneixeban mas que a la Corona. Lo castiello de Mequinenza heba quedau en un estau d'abandono important con a espaldadura de los suyos teitos y parte de las suyas murallas.

Referencias[editar | editar código]

  1. (es) Quadrado, José María (1844). Recuerdos y bellezas de España.
  2. de Salas, Fray Miguel (1697). Vida de Sta. Agathoclia, Virgen y Martir, Patrona de la Villa de Mequinença en el Reyno de Aragón.

Vinclos externos[editar | editar código]