Camaras

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Camaras
Despoblau medieval d'Aragón
Entidat  • País  • Provincia  • Comarca  • Municipios	Despoblau medieval  Aragón  Teruel Xiloca Loscos y Badenas
Partiu chudicial	Calamocha
Población  • Total	0 hab.
Parroquial  • Diocesi  • Arcipestrau	Teruel y Albarracín Mont Albán
Río	Camaras
Coordenadas	41° 5’30’’N 1° 4’39’’U
Camaras Camaras en Aragón

Camaras ye un lugar despoblau de los actuals termins municipals de Loscos y Badenas, en la comarca de lo Xiloca, y en provincia de Teruel.

Toponimia

En los textos medievals ye siempre Camaras, tal y quiento veyemos ya en Rationes decimarum Hispaniae (1279-80):

item pro primitia de Camaras

No tien necesariament una relación etimolochica con lo latín CAMERA (u l'aragonés "cambra"), y bi ha una serie de toponimos d'orichen celtico que Álvaro Galmés de Fuentes interpreta a partir de lo celtico CAMBA u COMBA ("curva", "val concava", "coma", "pueyo alomau").. Toponimos teruelanos que podrían tener una relación etimolochica con Camaras son Camarón y Camariellas.

En tot caso lo río Camaras prene la suya denominación por lo suyo orichen en esta zona entre Collado de Per Esteban y Badenas.

Cheografía

En l'actualidat no bi ha garra partida de termin con nombre Camaras en garra lugar de la compleganza de lo río Camaras entre Zaragoza y Teruel. Manimenos ye posible la localización de Camaras seguindo textos antigos.

La localidat de Camaras yera situada en las localidaz de Badenas y Collado de Per Esteban. La localización de Camaras se conoixe gracias a un texto de 1390 en lo que tres miembros de la familia García Chil Tarín venden Camaras a la Comunidat de Daroca:

que es clamado Camaras, sitiado en el Regno de Aragón, los terminos del cual afrenta de la una parte con termino lugar clamado el Collado per [Estevan] e con término de Badenas de la otra parte, con termino del Portuxello de Orich, aldeas de la dicha ciudat de Darocha.

Por atra part un texto de 1560 relativo a la Casa de Ganaders de Zaragoza y la Comunidat de Daroca permite corroborar esta localización. Ye un texto d'amollonamiento de defesas y los habitadors de cada aldeya en feban una lista. Camaras ye mencionada dos vegadas como pertenencia tanto de Collado de Per Esteban como de Badenas:

...tienen otra que es de la Pardina de Cámaras que está pardina despoblada, está encomendada al dicho lugar del Collado...

...que ellos en el dicho lugar de Bádenas tienen dos dehessa y otra de una pardina que la llaman la dehessa de la Pardina de Cámaras...

N'este texto figuran dos microtoponimos que encara existen: Peña Tajada en l'actual Collado de Per Esteban y ermita de San Bartolomé en Badenas.

Historia

En lo sieglo XIV unas cuantas decenas d'aldeyas de Daroca y la suya redolada se despobloron por la pestilencia y las guerras. Este proceso debió afectar a Camaras, que ya no ye citada como aldeya en lo "Libro de la manifestación d'el morabetín de las aldeyas de la ciudat de Daroca de 1373".

Bibliografía

• (es) Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38.

Lugars desapareixius d'o municipio de Loscos
Camaras | Castelecho

• Datos: Q20613541