Bergua-Basarán
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo tracta sobre o municipio desapareixito de Bergua-Basarán. Ta atros usos d'o toponimo Bergua se veiga Bergua (desambigación), y ta Basarán se veiga Basarán (desambigación).
| Bergua-Basarán | |
| Antigo municipio d'Aragón | |
 O crucero de Bergua, BIC y puesto d'a on que salen os camins que comunicaban os nuclios d'o municipio. | |
| Entidat • País • Provincia • Comarca |
Antigo municipio Aragón.svg){kind=small} UescaSobrarbe |
| Municipio actual | Broto |
| Población • Total |
174 hab. (1960) |
| Altaria • Meyana |
1040 m. |
| Distancia • 81 km |
enta Uesca |
| Parroquial • Diocesi • Arcipestrau |
Chaca Biescas |
| Ríos | Forcos |
| Coordenadas | |
Bergua-Basarán yera un municipio historico d'Aragón que existió entre os anyos 1920 y os anyos 1960,[1] quan quedó definitivament absorvito en o termin municipal de Broto, comarca de Sobrarbe, Uesca. A suya cabecera municipal yera en o lugar de Bergua, en l'acceso ta Sobrepuerto dende a valle de Broto.
O municipio naixó con a fusión d'os municipio de Bergua y de Basarán en a decada de 1920, con a qual cosa s'arribó a chuntar con un mesmo termin municipal toda la valle d'Otal de Sobrepuerto y a suya desembocadura en a valle de l'Ara. Bergua-Basarán desapareixió con a fusión municipal d'o tardo-franquismo, en 1968, victima d'a despoblación d'os suyos nuclios, y quedó incorporato en o termin municipal de Broto.
Historia[editar | modificar o codigo]
Os municipios antigos de Bergua y Basarán se fusionón en a decada de 1920. Bergua ya incluiba Ayerbe de Broto dende 1857,[2] que tenió una historia curta como municipio autonomo dende a formación d'os municipios en 1834. Basarán trayeba con ell a Escartín y a Otal, que tamién i yeran acudidos, enta la suya casa de Villa, en o periodo intercensal 1842-1857.[3]
Mientres a suya micarrona más de 40 anyos d'existencia o municipio de Bergua-Basarán no deixó de perder población, con o escalón más gran en o periodo entre os censos de 1950 y o de 1960: o zaguer periodo intercensal suyo d'o que en tenemos conoixencia. Ista etapa coincide con a era de mayor despoblación de Sobrepuerto, quan a mayoría d'os habitants que quedaba en os nuclios de Basarán, Escartín y Otal fizon as maletas y marchón.
Un testimonio de primera mano d'ista despoblación se troba en o libro Memoria de un montañés, de José Satué Buisán, narración auto-biografica d'o zaguer cabeza de familia en emprender o camino d'a emigración dende Escartín.
Demografía[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Evolución d'a población de Bergua-Basarán dende 1920 dica 1960.
Referencias[editar | modificar o codigo]
- ↑ (es) «Bergua-Basarán» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada o 3 d'abril de 2016.
- ↑ (es) «Bergua» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada o 2 d'abril de 2016.
- ↑ (es) «Basarán» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada o 28 de marzo de 2016.