Basa

De Biquipedia
(Reendrezato dende Balsa)
Ir a la navegación Ir a la búsqueda
Basa tradicional en a Sierra de Castelltallat

Una basa u balsa ye una chicota extensión natural d'augua en una fondada d'o terreno u una excavación impermiable feita por a man de l'hombre en un puesto favorable pa poder almacenar augua de plevia. Si no bi ha un mantenimiento adequau d'estas basas, se plenan de tierra y las canals deixan d'aportar augua.

En a val de l'Ebro as basas tradicionals que aproveitaban pa que abrevase o bestiar recibiban a denominación de balsetz, as que se feban servir pa fer blando o vimbre yeran as albercas. As dos son comuns en o paisache d'a Val de l'Ebro, tamién d'o Sistema Iberico y en atros paisaches mediterranios, tanto de tierra plana como de montanya y semontano, y permitiban aproveitar l'augua de plevia. En os Monegros as basas tienen muita importancia, pero tamién en comarcas con mayor pluviosidat. Ciertos lugars luent d'os ríos tienen una basa a cantos d'o nuclio habitau, basa que se fa celebre a nivel comarcal, por eixemplo a Bassa Martina a man de Val Chunquera y a Basa de Fórnols en atra localidat d'o Matarranya.

Ciertas basas tradicionals yeran impermiabilizadas con archila compactada en o fondón, teneban as paretz feitas de piedra seca u aproveitaban unas caracteristicas d'o terreno favorables a la impermeabilización natural. Tamién se podeban fer de piedra seca de tot, impermiabililizadas con calcina. Podeban estar de dimensions variables, por un regular a partir de 10 m³.

En os reganos modernos as basas, de grans dimensions, son impermiabilizadas con material plastico y tienen como función almacenar augua pa regar.

Basa de formigón usada pa regar avellaneras.

As basas reculliban l'augua d'una cuenca chicota a on se feban unas canals de tierra que replegaban l'augua y la conduciban enta la entrada d'a basa.

Valor ecolochica[editar | editar código]

Dende un punto de vista medioambiental as basas mediterranias son importants pa cierta fauna y flora. A biotopo aquatico d'as basas, sigan intermitents u permanents, mantién una relación estreita y intensa con os sistemas ecolochicos terrestres que rodeyan a basa.[1]

Referencias[editar | editar código]

Bibliografía[editar | editar código]

Veyer tamién[editar | editar código]


Cuerpos d'augua continental
Corrient Río · Regallo u Rigachuelo · Galocha · Torrent (Barranco · Garona · Rambla)
Aturada Laco · Lacuna u Estanyo (albufera · ibón · salada) · Paúl · Almarchal · Basa