Antonio Durán Gudiol
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Antonio Durán Gudiol | |
|---|---|
| Información personal | |
| Calendata de naixencia | 21 d'aviento de 1918 |
| Puesto de naixencia |  Vic (Osona, Catalunya)
|
| Calendata de muerte | 6 de noviembre de 1995 |
| Puesto de muerte |  Uesca (Plana de Uesca, Aragón)
|
| Ocupación | Historiador y mosén |
Antonio Durán Gudiol (Antoni Durán i Gudiol en catalán), naixito de Vic (Osona, Catalunya) o 21 d'aviento de 1918 y muerto en Uesca (Plana de Uesca, Aragón) o 6 de noviembre de 1995,[1] estió un mosén y destacato historiador medievalista catalán, especializato en a historia d'Aragón (mas que mas en a suya historia eclesiastica y en as oríchens d'o condau d'Aragón y d'o reino d'Aragón, encara que tamién en arias relativas a l'arte d'Aragón). Yera sobrín de Josep Gudiol i Cunill (1872-1931), conservador d'o Museu Episcopal de Vic dende 1898, feito que fácil que rematase por condicionar a suya carrera posterior. Tamién estió primo d'o historiador de l'arte catalán Josep Gudiol Ricart (1904-1985).
Anyadas de formación
[editar | modificar o codigo]Fació a suya formación en o seminario d'a suya ciudat natal, encara que enampló estudios en Roma (en Teolochía y Paleografía), a on i estió cuantas anyadas.
Carrera profesional
[editar | modificar o codigo]Carrera sacerdotal
[editar | modificar o codigo]En primeras, Antonio Durán Gudiol treballó como mosén en bellas localidaz catalanas, como Castellterçol, Aiguafreda u Torelló, dica que en 1947 se convertió en archivero en l'archivo d'a Seu de Santa María de Uesca,[1] a on i fació a resta d'a suya carrera como mosén, no tornando mai a albandonar as tierras aragonesas. Mientres a suya labor sacerdotal, destacó por a suya oposición a lo rechimen franquista, amás de por o suyo nacionalismo catalán.[1]
Carrera cientifica
[editar | modificar o codigo]En 1950, Durán Gudiol publicó o suyo primer articlo, La fábrica de la catedral de Huesca, en Argensola,[1] una revista d'a que mesmo plegaría a estar-ne o suyo director, encomenzando asinas a suya fecunda carrera cientifica como historiador, recebindo en primeras l'impulso de José María Lacarra.[1] Dende alavez, o suyo treballo estió siempre sobre temas relativos a Aragón, en primeras respective a la suya historia, fendo intresants aportacions a la Historia d'Aragón, mas que mas relativas a los primers tiempos d'a Edat Meya en Aragón. Sindembargo, tamién treballó sobre o rico romanico aragonés, incluyindo-ie as ilesias de Sarrablo, con as obras Arte altoaragonés de los siglos X y XI (1974) y Las iglesias mozárabes del Serrablo (1976) pero tamién a ilesia d'o monesterio de Sant Pero de Ciresa con El monasterio de San Pedro de Siresa (1989), a on estió esfensor d'a existencia en o lugar d'una primitva ilesia en estilo carolinchio anterior a l'actual edificio romanico.
Publicacions
[editar | modificar o codigo]Articlos
[editar | modificar o codigo]- 1950: La fábrica de la catedral de Huesca, en a revista Argensola.[1]
- 1950: La iglesia en Aragón durante el siglo XI, en Estudios de Edad Media de la Corona de Aragón, IV.[1]
- 1978: El obituario de los abades de Montearagón, en a revista Argensola, num. 185.
Libros
[editar | modificar o codigo]- 1953: Los manuscritos de la catedral de Huesca, Uesca (.pdf).
- 1957: Huesca y su provincia, Barcelona, ed. Aries.[1]
- 1962: La iglesia de Aragón durante los reinados de Sancho Ramírez y Pedro I, 1062?-1104. Roma.[1]
- 1965: Colección diplomática de la catedral de Huesca (vol. I).[1] Ed. Instituto de Estudios Pirenaicos.
- 1967: Los condados de Aragón y Sobrarbe (inedito dica 1988). Premio Menéndez Pelayo d'o Consejo Superior de Investigaciones Científicas.[1]
- 1969: Colección diplomática de la catedral de Huesca (vol. II).[1] Ed. Instituto de Estudios Pirenaicos.
- 1974: Arte altoaragonés de los siglos X y XI.[1]
- 1976: Las iglesias mozárabes del Serrablo.[1]
- 1989: El monasterio de San Pedro de Siresa.[1]
- 1990: La villa y la colegiata de Alquézar, ed. Instituto de Estudios Altoaragoneses.[1]
- 1991: Historia de la Catedral de Huesca, ed. Instituto de Estudios Altoaragoneses.[1]
- 1992: Proceso criminal a Maestre Sebastián Ximénez, escultor, ed. Instituto de Estudios Altoaragoneses.[1]
- 1994: Los obispos de Huesca durante los siglos XII y XIII, Zaragoza.[1]
- 1994: Iglesia y procesiones: Huesca, siglos XII-XIII, Zaragoza.[1]
- 1996: Del arte y la historia medievales, Samianigo, ed. Amigos de Serrablo.[1]
- 1998: Serrablo medieval: guía histórico-artística, Zaragoza.[1]
- (sin de calendata): Orígenes del reino de Aragón (.pdf).
- (sin de calendata): Juan de Aragón y Navarra, obispo de Huesca (.pdf).
Premios y honors
[editar | modificar o codigo]- Una biblioteca municipal d'a ciudat de Uesca porta o suyo nombre en a suya honor.[2]
- O Concello de Uesca concede anyalment en a suya honor os Premios de investigación Antonio Durán Gudiol.
- A Casa de Cultura de Samianigo porta o suyo nombre en a suya honor.[3]
Vinclos externos
[editar | modificar o codigo]- (es) Antonio Durán Gudiol en a Gran Enciclopedia Aragonesa.
- (es) Bibliografía d'Antonio Durán Gudiol en Dialnet (.pdf).
Referencias
[editar | modificar o codigo]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 1,13 1,14 1,15 1,16 1,17 1,18 1,19 1,20 1,21 (es) Antonio Durán Gudiol en a Gran Enciclopedia Aragonesa.
- ↑ (es) Biblioteca Antonio Durán Gudiol en a pachina web d'o Concello de Uesca.
- ↑ (es) Casa de Cultura `Antonio Durán Gudiol´ en a pachina web d'o Concello de Samianigo.
Datos: Q13048377