Teolochía

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Alegoría d'a teolochía (detalle d'a cara sud d'o pedestal d'a estatua de Carlos IV de Luxemburgo; Plaza Křižovnické, Praga, Republica Checa).

A Teolochía ye o estudio de Dios y por extensión o estudio d'a fe, a practica relichiosa y a experiencia relichiosa u d'a espiritualidat.

Etimolochía[editar | modificar o codigo]

O termin amaneix por primera vegata en "A Republica" de Platón y tamién lo fació servir o suyo disciplo Aristótil. Provién d'as palabras griegas theos ("dios") y logos ("ciencia", "tractau", "estudio"). Chunto con as palabras "astrolochía" y "etimolochía", ye una d'as pocas rematatas en -lochía que podemos trobar en aragonés medieval, ixo sí, escrito con g d'alcuerdo con a ortografía medieval theología. Lo veyemos escrito asinas en as actas d'as Corz de Teruel de 1427-1428:

licenciado en decrets prior, maestre Miguel Ruvio, maestre en Sancta Theologia cambrero, don Martín de Monçon, trasorero...

Tamién podemos leyer-lo asinas en o "Libro d'as Marabillas d'o Mundo":

et en este es la Cibdat de aram / do el padre abraham fincaua / & donde abraham se partio porel comandament del angel / de aqueilla Cibdat fue fue a effrem qui fue vn grant doctor en theologia / en theophilus en fue tan bien / al quoal S(anct)a m(ari)a saluo de enemigo / Et dura mespothania del Rio deuffrate ata el Rio de tigris / Car eilla jaze entre estas dos et vltra aqueilla Riuera de thigri / es caldea qui es muy grant t(ier)ra
Aquel ob(is)po h(e)ra grant doctor de theologia / et por q(ue) el p(re)dicaua & fablaua assi p(ro)fondame(n)t dela diujnidat & dela t(r)inidat eill fue acusado al papa de Roma que eill h(e)ra h(e)rege q(u)ando el papa loio dizer si jmbio por eill & lo puso em p(r)ison / Si fezo en p(r)ison este psalmo Quicu(m)q(ue) vult & c(etera).

Y en o "Libro d'el Trasoro":

E aq(ue)stas sciencias son no(n)bradas en su voz: theologia, fisiga , metemeticha .
La p(r)imera e la mas alta delas tres sciencias q(ue) son sacadas de theorica si es theologia q(ue) traspassa el cielo e nos muestra las nat(ur)as delas cosas q(ue) no han nj(n)gu(n) cue(r)po nj conu(er)ssan entre las corporales cosas en tal man(er)a q(ue) por ellas conexemos dios todo poderoso.

Tamién ye posible de trobar una forma sin hiato theulogía, a l'igual que en o caso de geumetría.

As formas con xeada teoloxía son propias de malas adaptacions a l'aragonés dende o castellano cambeando a j por x por sistema.