Alcanyicello

De Biquipedia
Ir a la navegación Ir a la búsqueda
Alcanyicello
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Zaragoza province (with coat of arms).svg Zaragoza
Campo de Carinyena
Tosos
Población
 • Total

0 hab.
Parroquial
 • Diocesi

Arch. de Zaragoza
Ríos Uerba

Alcanyicello (Alcañicejo en castellán) ye un lugar despoblau de l'actual termin municipal de Tosos, en lo Campo de Carinyena y en la provincia de Zaragoza.

Toponimia[editar | editar código]

En textos medievals lo podemos veyer escrito sin diminutivo como Alcanyiç, con diminutivo -ello u la suya variant -echo (Alcannicello, Alcanicillo[1], Alcanyicello, Alcanyicejo), con diminutivo -iello (Alcaniciello[2], Alcanyziello[3]), u con diminutivo -uelo (Alcanyiçuelo). Tamién se vei en textos medievals l'apelativo de la Uerba (Alcanniz de la Huerba[4]). La forma con sufixo -ello ye una forma que corresponde a la fonetica aragonesa y que se castellanizó dando l'actual toponimo Alcañicejo.

Historia[editar | editar código]

En la Edat Meya bi habió un castiello que controlaba estratechicament lo paso por La Uerba.[5] En fuents musulmanas andaluzas ya mencionan Al Kanisa en l'anyo 878 como un puesto de paso a on bi habió una batalla mientres una expedición contra Saraqusta. Tamién ye mencionau probablement en lo Poema de Mio Cid:

tierras d'Alcañiz negras las va parando e a derredor todo lo va preando.

Alcanyicello fue reconquiesto en ixas envuentas d'Alifonso I lo Batallero, qui en aviento de l'anyo 1124 lo donó a los chirmans Fruela y Pelayo[6] pero retenendo pa ell una tercera part.

et in super dono uobis alio castello, qui dicitur Alkanic quod habeatis de illum illas IIs partes / per uestra hereditate et illa tercia parte, quod teneatis illam per honorem pro me.

Manimenos este lugar y castiello cambió de mans en muitas ocasions. Lo 20 d'agosto de 1348 lo compró la Comunidat de Daroca, pero pasó a mans de Ximeno de Bailo lo 12 d'octubre de 1364 por cesión de Pero lo Cerimonioso. Los zaguers dreitos reyals que i teneba lo rei fuoron vendius a Chuan Ferrández d'Heredia lo 12 de febrero de 1371. En 1372 lo rei remató cedendo este lugar y castiello a Gonzalo González de Lucio.

Referencias[editar | editar código]

  1. José Rius Serra:Rationes decimarum Hispaniae (1279-80): Aragón y Navarra. CSIF 1946.
  2. (es) Tomás Domingo Pérez, Maria Rosa Gutiérrez Iglesias. La gracia del quinto diezmero concedida en el año 1409 a la fábrica de La Sero por Benedicto XIII y su primera ejecucion en 1412. Aragón en la Edad Media Nº 14-15, 1, 1999.
  3. (an) Actas d'el proceso de Cortz de Maella (1404)
  4. (an) Actas d'el proceso de Cortz de Teruel (1427-1428)
  5. (es) Eduardo Viñuales Cobos: Red Natural de Aragón. Campo de Cariñena nº 25, 2008
  6. (es) Luís Rubio, Los documentos del Pilar. Archivo de Filología Aragonesa. XVI-XVII. 1965-1966.

Bibliografía[editar | editar código]


Lugars de lo municipio de Tosos
Poblaus: Tosos
Despoblaus: Alcanyicello | Cabezo Blanco | Portolés | Santa Barbara | Las Torcas