Alcalatén

De Biquipedia
L'Alcalatén
Comarca d'o País Valenciano
Capital
 •Municipios
Lucena
9
Entidat
 •País
 •Provincia
Comarca
Flag of the Land of Valencia (official).svg País Valenciano
Castellón
Superficie
 •Total

648,7 km²
Población
 •Total
 •Densidat
 (2005)
16138 hab.
24,87 hab./km²
Localització de l'Alcalatén respecte del País Valencià.svg
Mapa de situación en País Valenciano

L'Alcalatén ye una comarca valenciana de l'interior y montanyosa, con capital en Lucena. Muga a lo norueste con Aragón, a lo noreste con l'Alto Mayestrato, a l'este y sudeste con a Plana Alta, a lo sud con a Plana Baixa, y a l'ueste y sudueste con l'Alto Millars.

Cheografía[editar | modificar o codigo]

A comarca s'articula arredol de Penyagolosa, ye una zona con muitos desnivels, alternando tierras planas y monts. Esto ye por asociacions de fallas que creban o terreno y fan que os bloques funditos sigan los que bi ha dirección ta la mediterrania.

Os ríos más importants son o río Llucena y o río Seco, que abocan lurs auguas ta a rambla de la Vídua.

En vechetación predominan os pinars, con unas zonas de paramera en dirección ta Chodos y Penyagolosa. En ixas zonas bi ha carrascals de paramera con presencia de sabinas tarabinas (Juniperus thurifera).

En as planas que bi ha entre as sierras bi ha agricultura mediterrania de secán: cerials, garroferas y oliveras.

Ye una comarca historica y sentita por a chent d'o lugar como bella cosa natural (L'Alcalatén terra de bona gent). Se remonta a la antiga Tinença de l'Alcalatém, una senyoría concedita por Chaime I d'Aragón a los Ximénez d'Urreya. En a delimitación de comarcas de 1934 de Emili Beut recibe o nombre de Tinença d'Alcalatén, en a quala no i yeran ni Atzeneta del Maestrat, ni Benafigos ni Vistabella de Maestrat, que cayeban en a comarca Alto Mayestrato car heban estau de l'antigo Mayestrato de Montesa.

Toponimia[editar | modificar o codigo]

O nombre d'a comarca significa en arabe "Os dos castiellos". En aragonés medieval s'escribiba con -m como Cherusalem, como ye sabito, en aragonés no bi ha -m final y as parabras con -m final d'atras luengas rematan prenunciando-sen con -n (Mirian, Alcorán, ecetra...).

Ye curioso que bi ha tres coincidencias con a Val de Xalón y Ribera Alta d'Ebro, tamién zonas d'influencia d'os Ximénez d'Urreya: Figueruelas en a Ribera Alta de l'Ebro y Figueruelas en l'Alcalatén, Lucena de Xalón en a Val de Xalón y Lucena en l'Alcalatén, Chodes en a Val de Xalón y Chodos en l'Alcalatén. Tamién bi ha una interpretación popular probablement fantasiosa que relaciona Les Useres con Masos dels Urrees.

A repoblación y senyoría aragoneses se manifiestan en bells toponimos menors como Campiello y Torre de Foyos.

Historia[editar | modificar o codigo]

En o periodo de dominio musulmán en esta zona i heba berbers como en atras zonas d'o levant enta l'interior, berbers que s'arabizoron.

Quan os exercitos d'a Corona d'Aragón conquerioron a zona (1233) forachitoron as poblacions musulmanas y trayoron catalans y aragoneses. Chaime cedió a Tenencia de l'Alcalatén a Ximeno d'Urreya o 24 de chulio de 1233. A senyoría la tenioron dica 1798, quan a muerte sin descendendencia d'o zaguer Ximenez d'Urreya, don Pedro Pablo Abarca de Boleya Ximenez d'Urreya, deceno Conte d'Aranda y famoso menistro ilustrato de Carlos III. Dende 1798 dica l'abolición d'o feudalismo en 1833 L'Alcalatén perteneixió a lo ducau d'Ixar. Huei a senyoría de l'Alcalatén ye un títol honorifico d'a casa d'Alba.

Vistabella, Atzeneta y Benafigos en 1235 pasoron con a concordia de Montalbán entre Chaime I y Blasco d'Alagón a estar propiedat de Blasco chunto con as tierras d'o castiello de Cuella (Cuella, Molinell, Torre en Besora y Vilar de Canes). En 1303 o nieto d'ell Guillén d'Anglesola venderá ista senyoría a os templers. Con a disolución d'ista orden pasará a l'orden de Santa María de Montesa, on será a bailía o setena de Cuella dica l'abolición d'o feudalismo.

Parla[editar | modificar o codigo]

Se i charra catalán occidental valenciano con caracters d'o catalán nordoccidental.



 
Comarcas d'o País Valenciano
Bandera d'o País Valenciano
Alicantín | Alcoyán | Alcalatén | Alto Mayestrato | Alto Millars | Alto Palancia | Alto Vinalopón | Baixo Mayestrato | Baixo Vinalopón | Campo de Murviedro | Campo de Turia | Canal de Navarrés | Comtat | Costera | Foya de Bunyol | Huerta Norte | Huerta Ueste | Huerta Sud | Marina Alta | Marina Baixa | Plana Alta | Plana Baixa | Los Puertos de Moriella | Requena-Utiel | Ribera Alta | Ribera Baixa | Rincón d'Ademuz | Safor | Los Serrans | Valencia | Val d'Albaida | Val d'Ayora | Vega Baixa d'a Segura | Vinalopón Meyo