A Torre (Castillón de Sobrarbe)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre A Torre, que ye un lugar d'o municipio de l'Aínsa-Sobrarbe. Ta altros usos d'o toponimo «A Torre» se veiga A Torre (desambigación), y ta l'apellido se veiga Apellito Latorre.

A Torre
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Sobrarbe l'Aínsa-Sobrarbe
Partiu chudicial	Boltanya
Población  • Total	4 hab. (2018)
Altaria  • Meyana	560 m.
Distancia  • 99 km  • 19,5 km	enta Uesca enta l'Aínsa
Codigo postal	22330
Chentilicio	torrero/-a
Patrons	Sant Chusé
Parroquial  • Diocesi  • Arcipestrau  • Parroquia	Uesca Semontano-Sobrarbe Sant Chusé
Río	Susía
Coordenadas
A Torre A Torre en Aragón

A Torre (oficialment, en castellano, «Latorre») ye una aldeya d'o municipio de l'Aínsa-Sobrarbe, en a provincia de Uesca y en a comarca de Sobrarbe. A suya población ye de 4 habitants (2018).

A Torre ye una aldeya tradicional de Castillón de Sobrarbe, d'a on que dista bel kilometro y meyo. En chunto con a Pardina y con Castillón formaban l'achuntamiento de Castillón de Sobrarbe, que desapareixió absorvido por o municipio de l'Aínsa en a decada de 1960.

Cheografía

A Torre de troba a 560 metros d'altaria sobre o nivel d'a mar, en un sarrato, plano por alto, que s'adintra en a valle d'o Susía, tot forzando a'l río a fer un recolón por debaixo de lugar.

Se troba en o sud de o gran termino municipal de l'Aínsa-Sobrarbe, cuasi en a muga con o termino de l'Abizanda, y confronta en a valle d'o Susía con Lamata (sud-sudeste) y Chabierre d'o Elsón (sud), en a cuentra d'o río.

Por debaixo d'as casas de a Torre i esnaviesa un barranco que se diz de Talavera, afluent d'o río Susía, que confluye con ixe chusto a ran de a Torre. Por a suya posición, en a valle d'o río Susía, a Torre fa parte efectiva d'a subcomarca tradicional que se conoix como o Viello Sobrarbe.

L'aldeya ye en o camín (actual pista asfaltada) que comunica Castillón de Sobrarbe con Mediano nuevo. Por tanto, tiene comunicación directa con a carretera autonomica A-138 (Balbastro-l'Aínsa-Bielsa), d'a on que a pista local ranca sinyalizada en o lateral. Ye a 1.000 metros escasos dimpuesas de a Pardina, en puyando por a dita carretereta, y a bel kilometro y meyo d'antes d'arribar ta Castillón.

Demografía

Evolución demografica

1992 1994 1996 1997 1998 1999 2000 2001 2002 - - - - - 12 7 8 8

2003 2004 2005 2006 2007 2008 2009 2010 2011 12 12 12 12 13 12 12 9 7

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Monimentos

A ilesia de Sant Chusé, d'o sieglo XVI, y de fundo a valle d'o Susía y a sierra de l'Entremont.

O monimento principal en a Torre ye a suya ilesia, consagrada a l'advocación de Sant Chusé, patrón de lugar. Ye un edificio d'o sieglo XVI, que guarda parez meyanils con un casal fuerte que actualment ye espaldau. A torre que a dita casa teneba ta defensa fizo a función de campanal ta la ilesia.

Adebant d'a ilesia i ha o crucero d'a Torre, declarau Bien d'Intrés Cultural (codigo SIPCA 1-INM-HUE-003-907-214). O crucero, a ilesia y as enrunas d'aquel casal fuerte son en un barrio deseparau bels 100 m d'a on que en l'actualidat son a mayoría d'as casas de l'aldeya, que forman unatro barrio en a cuentra d'a carretera de Castillón.

En ixe segundo barrio ye a on ye a plaza d'a localidat, y a cruz de suelo d'a Torre, a cruz de suelo d'a localidat, que tamién ye declarada Bien d'Intrés Cultural (SIPCA 1-INM-HUE-003-907-360).

Fiestas

• 19 de marzo, Fiesta Mayor, fendo-le honras a Sant Chusé.
• 28 de mayo, romería ta la ermita de Santa Waldesca.
• 13 d'agosto, romería ta la ermita de Sant Póliz, en Castillón.

Vinclos externos

• Se veigan as imáchens de Commons sobre a Torre.

• Datos: Q3572970
• Multimedia: Latorre / Q3572970