Frontinyán

De Biquipedia
Ir a la navegación Ir a la búsqueda
Frontinyán
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
l'Aínsa-Sobrarbe
Población
 • Total

0 hab. (2011)
Altaria 780 m.
Distancia
 • 75 km
 • 32,6 km

enta Uesca
enta l'Aínsa
Codigo postal 22330
Parroquial
 • Diocesi
 •Arciprestato

Uesca
Semontano y Sobrarbe
Ríos Barranco de Sant Chils
Frontinyán en Aragón
Frontinyán
Frontinyán
Situación de Frontinyán en Aragón

Frontinyán (oficialment, en castellano, Frontiñán[1][2]) ye una aldeya aragonesa d'o municipio de l'Aínsa-Sobrarbe, en a comarca de Sobrarbe y a provincia de Uesca. A suya población ye de 0 habitants.

En l'actualidat y dende meyanías d'o sieglo XX se troba despoblau, y no se guarda de piet garra vivienda.[2] Feba parte de l'antigo municipio d'o Elsón, en chunto con Mondot, o Elsón y Chabierre. En a decada de 1960 fue absorviu en o municipio d'Alto Sobrarbe,[3] que dende 1981 ye parte integradera en o termino de l'Aínsa-Sobrarbe.[3]

Cheografía[editar | editar código]

Frontinyán se troba en a valleta d'o barranco de Sant Chils, afluent d'o Susía y por tanto en a cuenca hidrolochica de o dito río, afluent d'o río Cinca. Fa parte de o quadrant sud-occidental d'a comarca de Sobrarbe, en ueste d'a Cinca y en sud de l'Ara; a sub-comarca tradicional que se diz «o Viello Sobrarbe».

Se concara con a casa de a Coloma, en alto d'un cerret[2] en a cuentra d'o barranco, y ye accesible por un camino que ranca d'Hespitalet d'Espluguiello, alto en l'augua-partient contra la valle d'o río Vero.

En l'actualidat, en Frontinyán se i puede destinguir as enrunas d'una casa, anque en i pudon estar dos d'alcuerdo con bells autors.[2] I heba una capiella que se reconvirtió en una ferrería,[2] y qualques edificios auxiliars como corrals y bordas. Conoixió a suya población maxima documentada en os anyos 1920, con 10 habitants.[2]

Toponimia[editar | editar código]

O toponimo Frontinyán dimana d'un antigo poblador d'epoca latina, de nombre <FRONTINIU u Frontinio, d'alcuerdo con Manuel Benito Moliner.[4] O toponimo incorporaría, por tanto, a terminación -án/-ano que expresa (entre belatras cosas) pertinencia a un personache historico u sisquiera un antigo propietario rural, como tamién pasa en o toponimo «o Mediano»[4] (en a Fueva) d'alcuerdo con o mesmo autor.

Se veiga tamién[editar | editar código]

Referencias[editar | editar código]

  1. (es) ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. ISBN 84-8321-202-1
  2. 2,0 2,1 2,2 2,3 2,4 2,5 (es) «Frontiñán» en o blog Despoblados de Huesca; consultau o 20 d'octubre de 2012.
  3. 3,0 3,1 (es) «Alto Sobrarbe» en a subpachina «Alteraciones de los municipios en los Censos de Población desde 1842» d'o Instituto Nacional de Estadística, consultada o 20 d'octubre de 2012.
  4. 4,0 4,1 (es) Índice de pueblos del Alto Aragón, el orígen de sus nombres. Por Manuel Benito Moliner. Consultau o 20 d'octubre de 2012.


Lugars d'o municipio de l'Aínsa-Sobrarbe
L'Aínsa | l'Arcusa | Arro | Bagüeste | Banastón | As Bellostas | Buil | Bruello | Camporretuno | A Capana | Castellaz | Castillón de Sobrarbe | Chabierre d'o Elsón | Cherbe | Coroniellas | O Coscollar | Cosculluela de Sobrarbe | O Elsón | La Escapa | Frontinyán | Gabardiella | Griébal | Guaso | A Lecina | Liners | Mesón de Cosculluela | Mondot | Moriello de Tou | A Pardina | Pauls de Sasa | Pelegrín | Plampalacios | Puivalleta | La Ripa | Os Rials | O Sarrastanyo | Sarratiás | Sarratiello | O Sarrato | Sasa de Surta | A Torre | A Torriciella | Tou | Usana