Liners

De Biquipedia
Ir a la navegación Ir a la búsqueda
Liners
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
L'Aínsa-Sobrarbe
Población
 • Total

0 hab. (2010)
Altaria ±800 m.
Distancia
 • 103 km
 • 12 km

enta Uesca
enta L'Aínsa
Codigo postal 22395
Parroquial
 • Diocesi
 •Arciprestato
 • Parroquia

Uesca
Semontano y Sobrarbe
Alquezra
Liners en Aragón
Liners
Liners
Situación de Liners en Aragón

Liners (oficialment, en castellán, «Linés») ye una aldeya aragonesa d'o municipio de l'Aínsa-Sobrarbe, en a comarca d'o Sobrarbe y a provincia de Uesca. Actualment se troba despoblada.[1]

Cheografía[editar | editar código]

Liners se composa de dos casas solas,[1] deshabitadas dende fa anyos y actualment enrunas,[1][2] que se troban en alto en un sarrato que baixa d'as sierras de Buil y Camporretuno, en a valle d'a Cinca. Debaixo de l'aldeyeta, por a baixant norte d'o sarrato, esnaviesa lo «barranco d'a Capana», u «de Plampalacios», afluent d'a Cinca que remata en o pantano de Mediano en ixa segunda población.

A población dista, aproximadament, 3 km en norueste dende Camporretuno, a principal población habitada dende a que se i puede arribar. En l'anyo 2010, l'Asociación de Amigos de los Caminos Tradicionales de Sobrarbe rehabilitó y desbrozó lo camín tradicional que la uniba con Santa María de Buil en pasando por o Sarrastanyo.[2]

Con a Capana y o Sarrastanyo, as pardinas que se troba en a valleta d'o barranco, fizo parte d'o municipio de Santa María de Buil,[3] que desapareixió en os anyos 1960 absorvido por l'Aínsa. Dende 1981, o municipio se diz l'Aínsa-Sobrarbe.

Toponimia[editar | editar código]

L'investigador Manuel Benito Moliner proposó que a etimolochía d'o toponimo «Liners» ye a parola <*LINARIUM, que en latín gosaba significar «campo sembrau de lino».[4]

Alavetz, se tractaría d'un toponimo conectau semanticament con os diferents «Linars» que i ha repartius por a cheografía aragonesa y que comparten ixa etimolochía tamién.

Referencias[editar | editar código]

  1. 1,0 1,1 1,2 (es) ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. ISBN 84-8321-202-1
  2. 2,0 2,1 (es) Dentrada sobre Liners en o blog de l'Asociación de amigos de los Caminos Tradicionales de Sobrarbe; consultada o 6 de mayo de 2011.
  3. (es) «Santa María de Buil»; consultada o 5 de mayo de 2011.
  4. (es) Índice de pueblos del Alto Aragón, el orígen de sus nombres. Por Manuel Benito Moliner. Consultau o 6 de mayo de 2011.


Lugars d'o municipio de l'Aínsa-Sobrarbe
L'Aínsa | l'Arcusa | Arro | Bagüeste | Banastón | As Bellostas | Buil | Bruello | Camporretuno | A Capana | Castellaz | Castillón de Sobrarbe | Chabierre d'o Elsón | Cherbe | Coroniellas | O Coscollar | Cosculluela de Sobrarbe | O Elsón | La Escapa | Frontinyán | Gabardiella | Griébal | Guaso | A Lecina | Liners | Mesón de Cosculluela | Mondot | Moriello de Tou | A Pardina | Pauls de Sasa | Pelegrín | Plampalacios | Puivalleta | La Ripa | Os Rials | O Sarrastanyo | Sarratiás | Sarratiello | O Sarrato | Sasa de Surta | A Torre | A Torriciella | Tou | Usana