Varsovia

Varsovia Warszawa
Localidat de Polonia
D'alto t'abaixo y de cucha ta dreita: Castiello Reyal, Plaza d'o mercato d'a ciudat viella, Palacio Presidencial, Palacio de Wilanów.
Estato  • Voivodia	Polonia Mazovia
Superficie	516,90 km²
Población  • Total  • Densidat	1.706.624 hab. (2008) 3.301,65 hab/km²
Altaria	78 m (minima) - 115 m (maxima) m.
Codigo postal	00-001 a 04-999
Ríos	Río Vistula
Situación de Varsovia en Polonia.
www.um.Warszawa.pl

Varsovia (Warszawa en polaco) ye una ciudat polaca, capital d'o país y d'a voivodia de Mazovia.

A suya población ye de 1.706.624 habitants (2008) en una superficie de 516,90 km², con una densidat de población de 3.301,65 hab/km². Con a suya aria metropolitana (Obszar Metropolitalny Warszawy), a suya superficie ye de 6.100,43 km².

A ciudat, situata a o canto d'o río Vistula, ye a una altaria d'entre 78 y 115 metros sobre o ran d'a mar. Administrativament, ye dividita en 18 destritos (dzielnice en polaco).

Ye a ciudat de Polonia con mayor numero d'habitans, y tamién o suyo centro economico y cultural, con 66 centros d'almostranza superior, encluyendo a Universidat de Varsovia.

Fa parte d'a Organización d'as Ciudatz d'o Patrimonio d'a Humanidat.

Historia

Varsovia ye a capital de Polonia dende l'anyo 1596, quan o rei Sechismundo III cambeó a capital de Polonia, que enantes de la Unión de Lublin yera Kraków.

A Segunda Guerra Mundial estió desastrosa pa Varsovia, quedando arrasata a la fin de la guerra. Dende os primers días d'a guerra, o Fliegerkorps VIII d'a Luftwaffe, manato por Wolfram von Richthofen (o mesmo que heba manato o bombardeyo de Guernica por a Lechión Condor en a Guerra Civil Espanyola) fació bombardeyos aerios sobre Varsovia y a suya población civil, luego d'eliminar a l'aviación polaca.

O gubierno d'ocupación alemán concentró a los chodigos de Varsovia y atras localidatz en un guetto (o guetto de Varsovia), dende on dimpués los nimbiaban a Treblinka. Os zaguers chodigos que quedoron en o guetto se subleboron sin exito dimpués que en deportasen a la mayoría. Tamién os polacos se sublevoron sin exito en 1944 en a conoixita Sublevación de Varsovia, sin recibir aduya d'o Exercito Royo sovietico que yera a man. Como resultato la parte viella de Varsovia quedó arrasata de tot, y fue recostruita dimpués d'a guerra.

Puestos d'intrés

• Ciudat viella de Varsovia
• Palacio d'a Cultura y la Sciencia
• Guetto de Varsovia

Esporte

Varsovia estió una d'as seus d'o EuroBasket 2009, chugando os partitos d'o Grupo C en o suyo pabillón Hala Torwar.

Localidatz achirmanatas

• 1991: Berlín (Alemanya).

Vinclos externos

• Se veigan as imáchens de Commons sobre Varsovia.
• Pachina web oficial municipal.