Bombardeyo de Guernica

De Biquipedia
Ir ta: navego, busca
Bombardeyo de Guernica
Guerra Civil Espanyola
Bundesarchiv Bild 183-H25224, Guernica, Ruinen.jpg
Enrunas de Guernica dimpués d'o bombardeyo aerio d'a Lechión Condor alemanya, d'o Corpo Truppe Voluntarie y d'os sublevatos franquistas.
Información cheneral
Calendata: 26 d'abril de 1937
Puesto: Gernika-Lumo (Vizcaya, País Vasco, Segunda Republica Espanyola)
Resultato: Incendio y destrucción quasi de raso d'a ciudat.
En conflicto
Flag of Spain (1931 - 1939).svg Segunda Republica Espanyola Flag of the NSDAP (1920–1945).svg Lechión Cóndor (Tercer Reich)
Flag of Italy (1861-1946).svg Corpo Truppe Voluntarie (Reino d'Italia)
Flag of Spain Under Franco 1936 1938.png Bando nacional (sublevatos)
Comandants
Flag of the NSDAP (1920–1945).svg Wolfram von Richthofen
Soldatos
Garra esfensa antiaeria 23 bombarders Junkers Ju 52
1 bombardero Dornier Do 17
4 bombarders Heinkel He 111
10 caza-bombarders Heinkel He 51
6 caza-bombarders Messerschmitt Bf 109
3 bombarders Savoia-Marchetti SM.81
10 caza-bombarders Fiat CR.32
Baixas
120-3.000 civils muertos, en una zifra variable seguntes as fuents Denguna
Guerra Civil Espanyola
Cuartel de la MontañaAlcázar de ToledoXixónOviedoGuipuzcuaMéridaSigüenzaBadajozEstremaduraMallorcaSierra GuadalupeIrúnMonte PelatoTalaveraSantuario de Nuestra Señora de la CabezaVillarreyalCabo EspartelLoperaMadritOperación ÚrsulaCiudat Universitaria de MadritA Coruña 1ºA Coruña 2ºMalagaJaramaOfensiva d'o NorteMachichacoGuadalacharaGuernicaBilbauSegoviaBruneteSantanderBelchitEl MazucoCherchelTeruelPalosBielsaAragónLinia XYZEbroCatalunyaMenorca

Se conoix con o nombre de bombardeyo de Guernica[1] a un bombardeyo aerio feito mientres a Guerra Civil Espanyola sobre a localidat vasca de Gernika o día 26 d'abril de 1937. En iste bombardeyo parteciporon avions d'a Lechión Cóndor d'o Tercer Reich, d'o Corpo Truppe Voluntarie d'o Reino d'Italia y d'o Bando nacional (sublevatos contra o Gubierno republicán), y remato con o incendio y destrucción d'o centro d'a ciudat, con quantas casas espaldatas. O numero de victimas, encara no conoixito con seguridat, ye variable seguntes as fuentes emplegatas, dende 120 dica 3.000 civils muertos, en estar un día de mercato en a localidat. Antiparte, en no tener a ciudat garra esfensa antiaeria, y en estar o primer ataque aerio contra localidatz sin d'importancia melitar en a Historia (encara que a Luftwaffe en faría a ormino mientres a Segunda Guerra Mundial contra localidatz como Varsovia, Rotterdam u Londres) os atacants albandonoron os cielos de Gernika sin de baixas.

O bombardeyo, amplament cubierto por a prensa internacional, tenió una important presencia mediatica arredol d'o mundo, amplificata en estar a localidat de Gernika una localidat de muita significación politica en o País Vasco, en estar a on se troba l'arbol de Gernika y a on os reis churaban os antigos Fueros vascos. O Gubierno republicán encargó un treballo sobre o bombardeyo a o pintor Pablo Picasso, qui pintó o famoso Guernica.

A historiografía de tendencia franquista, como Carlos Rojas u Ricardo de la Cierva, minimiza o numero de victimas, afirma que a localidat teneba una abundant presencia de tropas de l'Exercito Popular Republicán y mesmo diz que o bombardeyo estió una decisión presonal de Wolfram von Richthofen, continando con a linia oficial mientres a dictadura franquista, que plegó mesmo a decir que estioron os soldatos republicans (melicians royos, seguntes deciban) qui incendioron a localidat en reblar.

Referencias[editar | editar código]

  1. En a historiografía se gosa emplegar ta dar-lo o suyo nombre a o bombardeyo o nombre en castellán d'o toponimo vasco Gernika, en estar o nombre con que a prensa primero y os historiadors dimpués emplegan ta referir-se'n.