Laco (sedimento)

De Biquipedia
Ir ta: navego, busca
Laco amostrando a suya consistencia quan lo pisan.
Este articlo ye un sedimento que se fa en auguas puercas u repuyals; pa atros significaus de la parola Laco, vaiga a Laco (desambigación).

Laco u tarquín ye un sedimento con abundant materia organica floculada que se fa en auguas estancadas. Ye pareixiu a lo buro y tien una consistencia semisolida, semiliquida u caldosa, pero ye mes denso[1] y se percibe como un porquería.[2] Puestos tipicos a on se fa son auguas repuyals con muita materia organica u afectadas por eutrofización. En as depuradoras se fan lacos en o mesmo proceso de depuración. A denominación de laco puet fer-se extensiva a lo fiemo quan ye denso y semiliquido.[1]

D'alcuerdo con l'ALEANR a parola tarquín gosa referir-se a este sedimento putient en Tierra Plana y Sistema Iberico oriental pero no en a part oriental de l'Alto Aragón.[3]

A vegadas este sedimento recibe a denominación en conchunto con l'augua a on se troba. L'ALEANR documenta agua corrompida, agua pudrida y agua podrida en l'Alto Aragón aragonesofono pa esta accepción y aigua dolenta, aigua corrumpuda, aigua pudenta y aigua podrida en catalán d'Aragón.

Referencias[editar | editar código]

  1. 1,0 1,1 (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. p 340ISBN 978-84-8094-061-0
  2. (an) Cortés Chorche, Martínez, Antonio: Replega d'aragonés en a Bal de Bielsa. Revista Fuellas, nº 94 marzo-abril de 1993, pp 6-14.
  3. (es) Manuel Alvar: Atlas lingüístico y etnográfico de Aragón, Navarra y Rioja. Tomo X. Institución Fernando El Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Mapas nº 1379 cieno y nº 1381 légamo.

Veyer tamién[editar | editar código]