Beixix

Bexix
Municipio d'o País Valencián
Entidat  • Estato  • Comunidat  • Provincia  • Comarca	Municipio Espanya Comunidat Valenciana Castellón Alto Palancia
Superficie	42,40 km²
Población  • Total	413 hab. (2005)
Altaria	799 m.
Distancia  • 79,5 km	enta Castellón de la Plana
Codigo postal	12430

Beixix (Bejís en castellán, Begís en catalán) ye un municipio d'a provincia de Castellón, situato en a comarca de l'Alto Palancia. A suya población ye de 413 habitants (2005), en una superficie de 42,4 km² con una densidat de 9,74 hab/km².

Cheografía

Ye situato entre a Sierra del Toro y a costera norueste d'a Sierra d'Andilla, sobre un zerro a 800 m d'altaria, entre os ríos Palancia y Canals. As altarias mas grans son os mons de La Juliana con 1476 m, La Pericona con 1468 m y Penyaescabia con 1331 m.

A vechetación son carrascals con acirón de Monpeller Acer monspessulanum, caixicos, cerolleras y pinetas. En a ribera d'o Palancia, bi ha chopos, freixeras y abillaneras.

Historia

Lo reconquirió o Sinyor d'Albarrazín Pero Ferrández d'Azagra en 1228 a lo servicio de Chaime I d'Aragón. En 1245 o rei lo cedió a la orden de Calatrava con o tetulo de comenda y representación en as Cortz Valencianas. A suya Carta Puebla ye de 1276, a favor de 110 homes d'a Comenda Calatrava d'Alcanyiz a fuero de Valencia; esto fació mas facil a creación d'un nuclio de población mas gran con termin que abraca os actuals municipios de Teresa, Torás y Sacanyet. A comarca natural formata por estos lugars estió entidat administrativa dica mitat d'o sieglo XIX.

Nombre

A forma con X se conoixe por textos meyevals de 1232, 1276, 1360, 1361, 1389. Una muestra d'o texto de 1276:

comendador de Molinos, e de don frey Vicente, comendador de la casa de Valencia, e de don frey Pedro Fernández, comendador de Bexíx, e de don frey Juan Martínez, comendador de Calaceyt, principalmente por nos e generalmente por todo el convento de los otros freires que en la comenda de Alcañiz son

Esistiba tamién a variant Bexís, conoixita en textos de 1235 y 1276.

Apellitos

Como en Alcanyiz ye común l'apellito Ponz.

Vinclos externos

• http://www.naturayeducacion.com/castillos/castellon/alt_palancia/begis/bejis.asp
• http://www.costamediterranea.com/guiaturistica/castellon/bejis/