Gaibiel

Gaibiel
Municipio d'o País Valencián
Entidat  • Estato  • Comunidat  • Provincia  • Comarca	Municipio Espanya Comunidat Valenciana Castellón Alto Palancia
Superficie	18,1 km²
Población  • Total	197 hab. (2004)
Altaria	517 m.
Distancia  • 54,1 km	enta Castellón de la Plana
Codigo postal	12415

Gaibiel ye un municipio d'a provincia de Castellón, situato en a comarca de l'Alto Palancia. A suya población ye de 197 habitants (2004), en una superficie de 18,1 km² con una densidat de 10,88 hab/km².

Cheografía

O termin ye situato en o parque natural d'a Sierra d'Espadán. Destacan alturas como la Costalata (713 m), Aceitenegro (709 m) u la Ajedrea (649 m). Bi ha muitas fuents como la Vall, los Canyos u el Vicario, y lo río Regajo (de l'aragonés Regallo) afluent d'o río Palancia que trascruza a los piez de Gaibiel y que desemboca en un entibo d'iste zaguer río.

Historia

O lugar fue reconquiesto en 1237 en tiempos de Chaime I, y o lugar será poblato por moriscos dica lur expulsión a principios d'o sieglo XVII. o 28 d'agosto de 1237 Chaime I dona l'alquería de Gaibiel a Don Pero Garcés de Roda. Dimpués en o sieglo XIV pasó a perteneixer a Don Ferrán López d'Heredia. A familia López d'Heredia teneban a propiedat de Santa Croch, y por ixo en muitos decumentos meyevals se fa referencia a la baronía de Santa Croch y Gaibiel.

En o sieglo XVII dimpués d'a expulsión d'os moriscos se dió Carta Puebla a los nuevos habitants.

Toponimia

En 1256 s'escribiba Gayvuel:

Fidelibus suis alcaidis et universis hominibus de Altura, de Gayvuel, de Almonezir, de Almedixar, de Castronovo, de Azuveba, de Pellinos, de Sova, de Sot, de Arguenas, de Gatava, de Marinas et de Serras, tam presentibus quam futuris. Salutem et gratiam

.

En toponimia menor bi ha un mont con nombre aragonés, Costalata, repetición d'atro mont clamato uei Costalada en Chistau.

Bibliografía

• Juan Manuel Berges Sánchez "LOS LÓPEZ DE HEREDIA SEÑORES DE LA BARONÍA DE SANTA CROCHE Y GAIBIEL". Rehalda, 6 anyo 2007.

Vinclos externos

• www.gaibiel.com