Gallipuent

De Biquipedia
Ir ta: navego, busca

Gallipuent u aqüeducto ye un sistema u conchunto de sistemas acoflatos que permite lebar augua en forma de fluxo contino dende un puesto que bi n'ha dica un puesto luent on s'espleita.

Gallipuent de Segovia

Denominacions[editar | editar código]

Seguntes atra interpretación lo suyo nombre bien ye relacionato con puent y con gallón, car muitos gallipuents en zonas de regano se feban con tierra y hierbas. Manimenos la existencia de lo toponimo Vallipont en Castellot mos permite pensar que gallipuent provienga de "puent de val", como tamién l'actual denominación de los restos de lo gallipuent román de Cordoba, Acueducto de Valdepuentes. Foneticament lo cambio ye posible porque la mesma confusión d'una V inicial por una G la veyemos en lo toponimo Garcipollera.

En Aragón los gallipuents tamién se dicen canals. La denominación en latín aquaeductum provién de la parabra AQUA y lo verbo DUCERE, ("que leva augua"), parabra que en aragonés dió aguaduito y que significaba en aragonés medieval bellacosa pareixita a "creixita", "riada", "barrancada", "garonada", "inundación".

Tamién existe a denominación de arco, asobén en plural, y la veyemos en a toponimia terolana y churra y en o "Libro de los Emperadors":

en el qual tempo de la dita carestia fuero(n) muytos terre tremols gra(n)des por los quales fueron derrocados muytos monesterios et muytas abitaciones los quales monesterios lenperador los a feytos todos tornar et renouar; encara muytos arcos por do uinia la agua a Contastinoble fueron caydos & todos los fizo senblantment leuantar

Agustín Ventura Conejero considera que os toponimos con a parola "arco" u "arca" pueden indicar un puent u millor un gallipuent.[1]

La parte sotorrana d'un aqüeducto recibe en aragonés a denominación de "canyo".

Gallipuents en Aragón[editar | editar código]

Os gallipuents romans d'Aragón no son tan espectaculars como los gallipuents urbans de Segovia, Les Ferreres de Tarragona y Pont du Garde en Francia. Eixemplos de gallipuents romans en Aragón son Los Bañales de Sadaba, u lo Puent de los Tres Uellos en Cervera de la Canyada facil que relacionato con l'abastimiento d'augua pa Bilbilis.

D'epoca musulmana tenemos o Arco de la Mora en Zuera. D'epoca renaixentista tenemos Los Arcos en Teruel. En Alloza bi ha un gallipuent rural bien conservato. Lo termino a sobén se troba fosilizato en a toponimia, por eixemplo ye lo caso de lo Pantano de Gallipuent.

Bibliografía[editar | editar código]

Referencias[editar | editar código]

  1. Agustín Ventura Conejero "Toponimia de la provincia de Teruel". Revista Teruel, 48, 1972. pp233

Vinclos externos[editar | editar código]