Primer Imperio Bulgaro

De Biquipedia
Ir ta: navego, busca
Първo българско царство
Părvo bălgarsko tsarstvo

Primer Imperio Bulgaro
3by2white.svg 632 — 1018 Coat of arms of the Second Bulgarian Empire.svg
Situación de Primer Imperio Bulgaro
Imperio Bulgaro en l'anyo 920
Capital Pliska (680–893)
Preslav (893–972)
Skopje (972–992)
Ohrid (992–1018)
Idioma oficial Bulgaro(632-864)
Antigo eslavo (864-1018)
Gubierno Imperio
Zar/Khan
 • 632-665
 • 1018

Kubrat
Prusián II
Periodo historico Edat Meya
 • Fundación 632
 • Desaparición 1018
Superficie
 • sieglo X

815 000 km²
Población
• sieglo X est.
     Densidat

4000000 hab.
4,9 hab/km²

O Primer Imperio Bulgaro estió un estato medieval creyato por una clase dirichent bulgara que prenió a relichión cristiana ortodoxa y s'eslavizó. Desapareixió por a presión d'os pueblos d'as estepas (hongaro y pazinacos), d'os rusos y os griegos bizantins.

O fillo de Boris I, Simeón, fue coronato Basileus en l'anyo 913, prenendo o títol de zar, y en 926 traslada a capital ta Preslav, no guaire luent de Pliska. Este imperio bulgaro plegaba dica as actuals Serbia, Macedonia y Albania y ye conoixito por os historiadors como primer Imperio Bulgaro. Bi habió un gran desembolique artistico y literario, y a cultura bizantina s'ixemenaba por o mundo eslavo.

D'alcuerdo con bellas fuents o emperador bizantín León VI o Sabio, en guerra contra a poderosa Bulgaria de Simeón clamó a los hongaros pa creyar-lis a los bulgaros un frent a la suya espalda. Os bulgaros reaccionoron clamando a los pazinacos pa que atacasen por a espalda a los hongaros. O resultato estió que os hongaros habioron d'abandonar as tierras que alavez ocupaban en Ucraína occidental y Moldavia y establir-sen en Panonia. Os pazinacos ocuporon o puesto d'os hongaros en Ucraína y Moldavia. O Imperio Bulgaro perdió o control d'os países vlacos y eslavos d'o norte d'o Danubio, (d'alto u baixo l'actual Rumanía), remató firmando a paz con Costantinoble en l'anyo 897, a cambeyo de cobrar un tributo anyal a lo Imperio Bizantín. En o "libro de los emperadors" lo contan asinas:

De la cual cosa l'emperador ha havido grant desplazer e ha enviado tantost embaixadores con grandes donos e presentes a los de Hongría que estavan cerca del río de Istro pregandolos que.l fuesen contra los búrgaros por dapnificar su tierra

Dimpués de Simeón o Imperio s'enfeblix.

A cultura bizantina s'heba ixemenato tanto por o primer Imperio Bulgaro que tamién plegoron ideyas heterdoxas, y d'esta traza o asceta bulgaro Chuan Bogomil desembolicó en o monesterio de Ryla (Macedonia) o bogomilismo.

Decadencia d'o primer Imperio y ocupación Bizantina[editar | editar código]

O rei Samuel preba de reaccionar centrando o suyo Estato en Ohrid (Macedonia), pero o emperador bizantín Basilio II invade os zaguers territorios orientals que controlan os bulgaros y en 1014 lis infliche una gran derrota en a que os bizantins prenen como brutal represalia buedar os uellos de 14.000 presioners bulgaros, que son ninviatos a lo rei por un tuerto. En o "Libro de los Emperadors" lo describen asinas:

E fueron presoneros búrgaros XV mil, a los cuales ha feito levar la vista sino a cada centenar uno, e aquel con un ojo, por manera que guidás los otros, e aprés los soltó francos e les mandó que fuessen a su senyor

Samuel muere dos días dimpués. Quatre añatas dimpués o zaguer rei de Bulgaria muere en una batalla.

Basilio II concedió a chestión a l'aristocracia nativa y confirmó a posición d'a ilesia. Os bizantins preboron d'helenizar a los bulgaros, como a atros eslavos de territorios que tornaban a controlar. As planas d'o norte yeran zona de paso pa pueblos turquicos d'as estepas que s'escapaban a lo poder d'o Imperio Bizantín: pazinacos, usios y cumans, probables antipasaus d'os gagauzes. Bulgaria tamién estió zona de paso pa os cruzatos.

Bibliografía[editar | editar código]