Segundo Imperio Bulgaro

De Biquipedia
Ir ta: navego, busca
Българско царство
Bălgarsko tsarstvo

Segundo Imperio Bulgaro
Flag of Palaeologus Emperor.svg 3by2white.svg 1185 — 1422 Ottoman flag.svg
Escudo d'armas
Situación de Segundo Imperio Bulgaro
Imperio Bulgaro en l'anyo 1340
Capital Veliko Tărnovo
Idioma oficial Bulgaro
Gubierno Imperio
Zar
 • 1185-1190
 • 1397–1422

Petăr IV
Constantín
Periodo historico Edat Meya
 • Fundación 1185
 • Setio de Tărnovo 1422

O Segundo Imperio Bulgaro estió un estato creyato dimpués d'una insurrección bulgara y vlaca contra os griegos bizantins quan yeran en un periodo de decadencia. O Segundo Imperio Bulgaro desapareixió por fragmentación territorial y a por conquiesta d'os suyos territorios por serbios y otomans.

A fins d'o sieglo XII os campesins bulgaros y os vlacos de rebelan y se constituye un nuevo estato Bulgaro, que por estar tamién prou extenso ye conoixito como "segundo Imperio Bulgaro" por os historiadors, y tamién conoixito como "Imperio Bulgaro-Vlaco" por historiadors rumans, por ser gobernato por una dinastía vlaca, os Asán. A capital yera Tarnovo, a ilesia recuperó a suya autocefalia y bi ha una recuperación cultural.

En a "Cronica de Morea" parlan de Caloynni Assan, emperador de Bulgaria, que invadió o Imperio Latín de Costantinoble en ixas envueltas de Balduín I. Tamién nombran a un Andronico Assani en relación con os almogávars:

Et el emperador, huyendo aquesto, tantost enuió vn su nieto, fillo de su hermana, el qual se nombraua micer Andronico Assani con buena companya

En o "Libro del Trasoro" denominan barbaros a los bulgaros, considerando-los como ocupants ilechitimos de Tracia, considerata part de Grecia:

Et depues es la tierra de Tracia, en do los barbaros son, e Romanya e Constantinoble

A invasión mongola de 1242, quan tornaban d'Hongría fació que os bulgaros entrasen en decadencia. O estato s'esminglanaba y se succedeban diferents dinastías, belunas d'orichen cumán. A costa d'a Mar Negra y a desembocadura d'o Danubio se poblaban por pueblos turquicos de diferents orichens, talment debantapasatos d'os actuals gagauzes. A fins d'o sieglo XIV hi heba dos reinos bulgaros principals, un con capital en Tirnovo y atro con capital en Vidina. En 1382 os otomans prenioron Sofía, en 1393 o reino de Tirnovo, y en 1396 o reino de Vidina. En 1396 os hongaros y franceses organizan una cruzata anti-otomana, plegan a ocupar Vidina, pero son vencitos en Nikopol. En 1444 atra cruzata antiotomana ye redotata en 1444 en a batalla de Varna, en a que muere o rei Vladislau de Polonia y Hongría.

Bibliografía[editar | editar código]