Penyas de Ferrera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Penyas de Ferrera Peñas de Herrera

Cheografía
Cordelera	Sistema Iberico
Sector	Sierra de Moncayo
{{{tpran}}}	{{{ran}}}
Maxima altaria	1.591 m
Cimas importants	Picarrón (1.591 m), Penya d'el Camino (1.542 m) Penya d'Enmedio (1.462 m) y La Gotera (1.347 m)
Largaria
Amplaria
Superficie
Vértiz cheodesico
Subsistemas	{{{subsistemas}}}
Administración
Estau
País	Muga entre os municipios de Talamantes, Anyón de Moncayo, Calcena y Purullosa (Zaragoza)
'
Edat
Materials
Tipo	{{{tipo}}}
Mapa

As penyas de Ferrera (en castellano Peñas de Herrera^[1]) son cuatre rocas macizas y anglosas situadas de norte a sud en o cabalto d'una loma d'a sierra de Moncayo (Sistema Iberico) a l'ueste d'este mont. D'antis mas bi heba un glaciar que erosionó a suya parti mas feble deixando actualment destacada a parti rocosa respecto d'a resta d'o terreno.

Altaria

L'altaria d'a penya mas altera, dita Picarrón ye de 1.591 metros y sirve de sinyal ta a muga entre as localidaz de Talamantes, Anyón de Moncayo, Calcena y Purullosa; as atras tres penyas restants tienen unas altarias de 1.542 m (Penya d'el Camino), 1.462 m (Penya d'Enmedio) y 1.347 m (La Gotera) respectivament.

Toponimia

Por estar muito visibles y tener importancia estratechica, as penyas de Ferrera ya se nombran en textos medievals aragoneses u navarros como por eixemplo en 1232 cuan Chaime I d'Aragón entregó uns castiellos a Sancho VII de Navarra:

Et es a saber que estos son los castiellos: Ferrellon, Ferrera, el castiello qui es a piedes de Mont Chaio qui es clamado La Fassina, et Penna Redonda, et Çalatamor; estos uos dono et uos otorgo quitios et saluos et sines nul entredit, con aguas, con montes, con ierbas, con passimientos, et con iermos et con poblados, et con todos aqueillos dereitos qui io i oui, ni e, ni deuo auer.^[2]

En a "Cronica de los Conquiridors" tamién nombran estos releus:

Et otro dia de manyana torno lo a veyer et apres enuio lo pregar que le prestasse .CM. sueldos et el dixo quelo farie mas que gelos assegurasse bien et fue assi entre ellos que don Jayme le libro ferrera et ferreion et penya Redonda et la faxina

Cheolochía

As penyas de Ferrera son o producto d'erosionar-se y trencar-se un livel sedimentario de calsineras churasicas que fan part d'una siella anticlinal con materials triasicos en o nuclio.^[3]

Fauna

En as parez d'as cuatre rocas que forman as penyas habitan alicas, vueitres y cuervos; en a plana baixo as rocas bi ha liebres, corzos, chabalins y rabosas.

Flora

En as zonas mas baixas d'as penyas mos trobaremos con paisaches de carrascas y caixicos; a mesura que puyamos iremos veyendo como van desapareixendo os árbols y apareixen os arbustos como o fenullo (Foeniculum vulgare), o tremoncillo (Thymus vulgaris), o romero (Rosmarinus officinalis), a xordiga (Urtica), a menta (Mentha) y o espícol (Lavandula angustifolia). Tamién podemos veyer bella planta caracteristica d'ista zona de Moncayo como ye a vetiquera (Clematis vitalba), a ixalagra (Mentha longifolia), a gallineta (Dactylorhiza elata), a senera (Amelanchier ovalis) y o tulipán silvestre (Tulipa sylvestris).

Puyada

O recorriu ye sinyalizau con marcas de pintura roya y blanca que mos levarán a la cima d'as Penyas. Dimpués de pasar l'armita de Sant Miguel, hemos de prener un sendero dirección ueste que mos levará a o barranco de Val de Ferrera. O sendero mos leva dica un cuello entre dos d'as Penyas de Ferrera, dende a on ye muit fácil puyar a la mas baixa y disfrutar d'o espectacular paisache.

O trachecto dura bellas cuatre horas y meya alto u baixo. Se gosa puyar-ie en a epoca que va d'abril a agosto.

Referencias

↑ (es) Tarazona y el Moncayo, Red natural de Aragón n°7, Editorial Prades, 2006, ISBN 84-8321-807-0, p.47
↑ (es) José María Jimeno Jurío, Roldán Jimeno Aranguren: Archivo General de Navarra (1194-1234) Volumen 89 de Fuentes documentales medievales del País Vasco. Eusko Ikaskuntza, 1998.
↑ (es) Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33

Se veiga tamién

Vinclos externos

Datos: Q6074005

[1] (es) Tarazona y el Moncayo, Red natural de Aragón n°7, Editorial Prades, 2006, ISBN 84-8321-807-0, p.47

[2] (es) José María Jimeno Jurío, Roldán Jimeno Aranguren: Archivo General de Navarra (1194-1234) Volumen 89 de Fuentes documentales medievales del País Vasco. Eusko Ikaskuntza, 1998.

[PELLICERMONCAYO-3] (es) Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33

[1]

[2]

[3]