Capreolus capreolus

Capreolus capreolus
Denominacions populars
corzo, cuerzo
Estato de conservación
Seguro (IUCN)
Clasificación scientifica
Reino:	Animalia
Filo:	Chordata
Clase:	Mammifera
Orden:	Artiodactyla
Familia:	Cervidae
Chenero:	Capreolus
Especie:	C. capreolus
Descripción
Capreolus capreolus Linné, 1758
Destribución cheografica
Aria de distribución de Capreolus capreolus en Europa y Orient meyo.

O corzo (Capreolus capreolus _{(Linné 1758)}) ye una especie de mamifero artiodactilo d'a familia d'os cervidos y o representant europeu y d'Orient Meyo d'o chenero Capreolus.

Zoonimia

En aragonés tenemos os zoonimos cuerzo en Embún, Aragüés de lo Puerto y Avena y corzo en Boleya y Benás (en benasqués pronunciato con seseyo como corso), derivatos probables d'o latín CURTIUM.

Manimenos en o pasato podió haber-ie zoonimos derivatos d'o latín CAPREOLUS, car en a Sierra d'Albarrazín tenemos o toponimo Val de Cabriuel a man d'un mont dito Puntal d'el Corzo, en linia con o catalán cabirol, parola que curiosament apareixe en os Fueros d'Aragón, que publicó Gunnar Tilander):

Quoando el puerco montés matan muitos, el qui primerament lo ferió deve aver la cabeça con el pescueço, et si alguno feriere ante con un dardo o lança o sayeta mulo salvage, es assaber cebro masclo, o ciervo ho cabirol, ercum, es assaber cabrón salvage, o otras bestias semeillables, deve aver cuero con la mjtat de la carne, et la otra mittat deven aver aqueillos qui fueron en la muert d'aqueilla bestia.

Corzo pareix a denominación con distribución historica més ampla (actualment dende a parla d'o Semontano occidental dica o benasqués), tamién trobamos corço en o "Fuero de Navarra", en os peaches de Cella y Valbona en o sieglo XV (pieles de corços e de cierva), y amaneix en a traducción d'o "Libro d'el Trasoro" baixo o epigrafe de corços et de cabras montesas:

Corços e cabras mo(n)tesas son bna man(er)a de bestias q(ue) son asi de b(ue)na conoxe(n)cia q(ue) de lue(n)t conoxe(n) las gentes q(ue) viene(n) si son caçadores o no . Asi mjsmo conoxe las b(ue)nas o las malas por sola vista e todos t(iem)pos van paxe(n)do de alto en alto e ta(n)to sab(e)t q(ue) el lobo lo nafra e lo fiere en algu(n)a man(er)a lugo corre a vna ye(r)ba q(ue) es clamada titamo e la toca alla do el troba e guaresçe de s(us) plagas

Vinclos externos

• Se veigan as imáchens de Commons sobre o Capreolus capreolus.
• Biquiespecies tiene un articlo sobre Capreolus capreolus.