Vueitre

De Biquipedia
Ir ta: navego, busca
Logo SLA.png Iste articlo tien una versión escrita con a grafía d'a SLA. Puet veyer-se aquí.
Vueitres
Bengalgeier.JPG
Vueitre de Bengala (Gyps bengalensis)
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Órdens y familias

Es vueitres u vultres son aus carnuceras que pueden trobar-sen per totz es continents, fueras d'en Oceanía y l'Antarctida. En Aragón, o nombre de vueitre s'emplega més que més ta la especie Gyps fulvus, d'a familia d'es accipitridos.

Una d'as caracteristicas particulars de muitos vueitres ye a suya capeza pelata, sin plumache, probablement debito a que una capeza con plumas s'emporcaría con sangre y altros fluidos en introducir-la adintro d'es carnuzos d'animals grans y sería dificil de mantener-la limpia.

Tamien gosan estar aus de notable grandaria. Per ixo han a menister de trobar bolsas d'aire calient ta elevar-se. A més, no volan a gran velocidat ni baten guaire as alas.

Clasificacion[editar | editar código]

Per un regular, es vueitres se clasifican en dos grupos:

  • Es vueitres d'o viello mundo, esparditos per Africa, Asia y Europa, que perteneixen a la familia d'es accipitridos, que tamién inclui as alicas y es azors. Troban carnuzos mientres volan gracias a la suya buena vista.
  • Es vueitres d'o nuevo mundo y es cóndors, esparditos per as Americas, no se troban emparentatos con a familia d'es accipitridos; perteneixen a la familia d'es catartidos, que bells autors clasifican adintro d'es ciconiiformes.[1] Cuentan con un sobrebuen sentito de l'olfacto, poco usual en un animal carnucero.

As semellanzas entre es dos grupos son debitas a una evolucion converchent més que no a una relación amanata.

Referencias[editar | editar código]

  1. Entrata Cathartidae en a base de datos taxonomica d'o NBCI

Vinclos externos[editar | editar código]