Pan (chenero)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pan
Chimpancé común (Pan troglodytes)
Denominacions populars
Chimpancés
Clasificación cientifica
Eukaryota
Animalia
Chordata
Mammalia
Primates
Haplorrhini
Hominoidea
Hominidae
Homininae
Hominini
Pan
Descripción
Pan
OKEN, 1816
Distribución cheografica
Amariello, verde, azul y morau subespecies d'o chimpancé común. Royo, o bonobo.

Pan ye un chenero de primaz hominidos hominins, en a subtribu d'os panins, propios d'as selvas y sabanas con arbolau de l'Africa sub-sahariana occidental y central, dende Senegal dica Tanzania,[1] enca que son mas frecuents en os países que arredolan o golfo de Guinea. Popularment se os conoix como chimpanzés (d'o francés <chimpanzé)[2].

En l'actualidat o chenero comprende dos especies reconoixidas; Pan troglodytes (o chimpanzé común) y Pan paniscus (o bonobo u chimpanzé pigmeu).[3]

Estudios cheneticos y inmunolochicos han demostrau que Pan ye o chenero vivo filochenicament mas amanau a Homo, en o cual nos trobamos os humans.[4] A diverchencia evolutiva de toz dos linaches, que ixo ye o zaguer antipasau común que compartiemos, s'ha datau en fa bels 5-6 millons d'anyos.[5] Os chimpanzés y os humans compartimos aproximadament o 96% d'o nuestro chenoma.[4]

Descripción[editar | modificar o codigo]

Son animals diurnos y tienen costumbres arboricolas u semi-arboricolas, gosando pasar en o suelo cuasi o 50% d'o tiempo que son dispiertos.[3][5] Os eixemplars chóvens son mas arboricolas que no es adultos.

Son animals socials, y viven en grupos complexos (sociedaz) con numeros d'individuos que bailan d'entre 15 y 150. En a especie P. troglodytes, os grupos s'agregan y se disgregan estacionalment, desfendo-se en grupichons mas chicorrons, tot seguindo una estratechia que os primatologos denominan «de fisión-fusión».[6][7]

Referencias[editar | modificar o codigo]

  1. (es) Chimpancés; consultada o 30 de septiembre de 2012.
  2. (es) Voz «chimpancé» en o Diccionario de la Real Academia Española, consultau o 30 de septiembre de 2012.
  3. 3,0 3,1 (es) CHALINE, Jean (1997). Del simio al hombre. Ediciones AKAL. ISBN 978-84-460-0588-9.
  4. 4,0 4,1 (es) La secuencia del genoma del chimpancé muestra que comparte un 96% con el humano, consultau o 30 de septiembre de 2012.
  5. 5,0 5,1 (es) ARSUAGA FERRERAS, Juan Luis y MARTÍNEZ MENDIZÁBAL, Ignacio (1998). La Especie Elegida. Ediciones Temas de Hoy. ISBN 84-226-7547-1.
  6. (es) Homínidos contemporáneos, consultada o 30 de septiembre de 2012.
  7. (es) Estrategias conductuales entre los machos de un grupo de Alouatta palliatta, consultau o 30 de septiembre de 2012.

Se veiga tamién[editar | modificar o codigo]

Vinclos externos[editar | modificar o codigo]