Navachas

De Biquipedia
(Reendrezato dende Navajas)
Ir ta: navego, busca
Navachas
Municipio d'o País Valencián
Bandera
Anvista de Navajas
Entidat
 • Estato
 • Comunidat
 • Provincia
 • Comarca
Municipio
Flag of Spain.svg Espanya
Comunidat Valenciana
Castellón
Alto Palancia
Superficie 7,9 km²
Población
 • Total

641 hab. (2005)
Altaria 383 m.
Distancia
 • 69 km

enta Castellón de la Plana
Codigo postal 12470
Navajas en a Comunidat Valenciana Navajas en a comarca de l'Alto Palancia

Navachas (Navajas en castellán, Navaixes catalán) ye un municipio de la provincia de Castellón, situato en la comarca de l'Alto Palancia. La suya población ye de 641 habitants (2005), en una superficie de 7,9 km² con una densidat de población de 81,14 hab/km².

Toponimia[editar | editar código]

La documentación antiga ofreixe pa esta localidat los toponimos documentals Navalles, Navages, Navaxes y Navajas. Las principals fuents medievals que fan referencia a este lugar son en latín y catalán, quasi no bi ha textos en aragonés que faigan referencia a este lugar.

En 1327, en ixas envueltas de Chaime II d'Aragón se puet leyer en un texto Navalles:

in persona Fatom Latintara Sarraceno uxoris Ali Abengalip loci de Navalles[1]

En catalán de lo sieglo XVI s'escribiba Navages u Navajes en textos referents a mudéchars y moriscos, como por eixemplo lo cens de 1510 ordenau por las Cortz de Monzón:

E dix que després de haver fet lo manifest, en lo loch de Navajes, doná a Bri, moro apellat Firati, cent vint caps de bestiar a miges[2]
Catherina Corella, sogra del senyor de Navages liures VII sous VII

Lo 27 de marzo de 1527 una comparecencia debant de la diputación deciba que:

los lochs de Matet, Paníes, Gayval, Navages, Castellnou, Almedixer, Soneja, Sot e altres lochs [...], per la rebel. lió de Spadán son stats gran part de aquells derrocats, saquejats e destruhits[3]

La forma con plural en -as que cabría esperar en aragonés y castellán se vei presonas nombradas en los manuscritos de capadrones de pechas (equivalents a l'actual catastro) de la villa d'Altura de 1423, (Mahomat Palomo de Nauagas, Alij Alcadj de Nauagas, La viuda de Alj Alcadj de Nauagas, Ffamet jucayne de Nauagas, Allij Jayar de Nauajas, Cahat Xem de Nauagas, tort Mahomat Paulo de Nauagas, Ali Boxodon de Nauagas) y de lo sieglo XVI (Juan Alfaquín albardero de Nauajas, Pere Quartana de Nauajas, Matheu Prior de Nauajas).[4]

En castellán de lo sieglo XVIII s'escribiba Navaxas. Lo exotoponimo catalán actual con -x- Navaixas ye preso a partir de lo nombre en castellán actual Navajas por adaptación con xeada seguindo lo eixemplo de bajar-baixar y dejar-deixar.

Probablement lo nombre toponimo orichinal faiga referencia a las navas u navallos y no a las novallas (navaja en castellán). A vegadas los toponimos con "nava" corresponden a poljes karsticos, zonas planas con abundancia de surchencias d'augua subterrania, y de feito en Navachas bi ha muitas fuents.

De remontar-se a nava y relacionar-se con navallo, podría fosilizar un plural neutro NAVACULA-Navalla como en lo caso de Pradas u Prades rescpeto a PRATUM. En la provincia de Zamora bi ha una Sierra de Navallas amán de la muga con Portugal y Galicia. En Galicia bi ha muitos toponimos con a forma O Navallo y Os Navallos. Un navallo se diz navachu en dos arias de l'asturián asturián occidental con una evolución fonetica pareixita a part de lo mozarabe y con l'aragonés de las Comarcas Churras, con parolas que presentan -ch- en cuenta de -ll- (regacho en cuenta de "regallo", asnacho en cuenta de "asnallo", ecetra).

Historia[editar | editar código]

En l'anyo 1238 lo rei Chaime I d'Aragón cedió esta localidat a Eximén, bispe de Segorb. Mientres tota la Edat Meya estió un lugar habitau por musulmans que conoixioron diferents cambios de sinyor dica que en 1609 se produció la suya expulsión.

Referencias[editar | editar código]

  1. W. Rothschild Acta aragonensia , Volúmenes 1-2, 1908 [1]
  2. Rafael Valldecabres El cens de 1510. Relació dels focs valencians ordenada per les corts de Montsó. València: Universitat de València, 2002
  3. XI Simposio Internacional de Mudejarismo. Centro de Estudios Mudéjares, Instituto de Estudios Turolenses, 2009 [2]
  4. Rosa Gómez Casañ Antroponimia alturana diacrónica XXXII Col∙loqui de la Societat d'Onomàstica VII Col∙loqui d'Onomàstica [3]


Municipios d'a comarca Alto Palancia
Alchimia d'Almonecir | Almedíxar | Altura | Azuébar | Val d'Almonecir | Barracas | Bexix | Benafer | Vivel | Castellnou | Caudiel | Chóvar | Figueras | Gaibiel | Matet | Navachas | Pavías | Pina | Sacanyet | Segorb | Sonecha | Sot de Ferrer | Teresa | Torás | Lo Toro | Xeldo | Exerica