Moriello de San Pietro

De Biquipedia

Iste articlo trata sobre Moriello de San Pietro. Ta atros emplegos d'o toponimo Moriello se beiga Moriello (desambigazión).

Ista fuella ye escrita en sobrarbés.

Moriello de San Pietro
Lugar de Moriello de San Pietro, Antigo monezipio, estió afechau tá Boltaña cuán quedeba abandonáu.
Comunidá autonoma	Aragón
Probinzia	Uesca
Redolada	Sobrarbe
Codigo postal	22340
Monezipio	Boltaña
Altaria	984 m.
Distanzia	104 km ent'á Uesca 8 Km ent'á Boltaña 12 Km ent' l'Aínsa
Poblazión	1 ab.

Moriello de San Pietro ▶ ⁽ⁱ⁾ (Morillo de San Pietro, Murillo de San Pedro, ó Morillo de San Pedro á castellán) ye uno nuclio antigo e isolau á ra boca d'a Bal de Bió. L'azeso ye prou complicau, sin de carretera, nomás se bi puede plegar por bela pista foristal crebada á partis por escorrenteras d'augua, con trazo difizil includiyén t'os tot-terréns.

O nuclio ye fincau á l'alto d'uno zinglo calsinoso, de grande espeutaclaridát, á ra banda d'obaga d'a Sarra de San Bisorio, e cuasi embolicau de bosques de pín royo e caxicos. O riu Yesa trestalla ra bal, deixán ra carretera d'Añisclo á ra banda opuesada, fén bía ta Fiscal e Bió dica d'Escalona, remanixe Moriello escasamén beyible.

A chéns d'as redoladas charran que ro lugar plego tá tener más de bel zentenar d'abitants, repartius á ra esparza beintena de casas d'o lugar, á ra suya buena epoca, mas que allora trobeba una economía librán alazetada á ra fusta y ra rematería obina. d'Ista epoca (sieglos XVII ent'o XIX) ye calendada l'enamplanzión d'a ilesia parroquial d'o Sieglo XI, que güei á día estiere eleminada á fabor de ra presentazión d'a chicolona capiella muito más fidel t'os suyos orichens meyebals, allora d'a suya zaguera restaurazión á l'añada de 2002.

[editar] Toponimia

S'escribiba sin l'apelatibo San Pietro dica 1646.

[editar] Ilesia

A ilesia parroquial ye modesta e chicolona, con formas claramén románicas. Á l'interior, cubilla bels frescos románicos qui encludiyen uno pantocrator, autualmén e de triste manera, como feto trazas, e bels motibos relichiosos e sozials de l'epoca. Bi son destacables bels escutos d'o Signum Nostri d'Aragón, cuán encara yeran 3 as barras d'o reino.

Ra antiga ilesia de Moriello de San Pietro, meyebal románica. Una d'as más antigas de Sobrarbe.

Escutos con Signum Nostri de tres barras, d'antiguidát no determinada, á ros frescos d'a ilesia