San Francisco (California)

De Biquipedia
Ir ta: navego, busca
Iste articlo ye sobre una ciudat estatounitense en o estato de California; t'atros usos, se veiga San Francisco.
San Francisco
Localidat d'os Estatos Unitos
Bandera
Anvista de San Francisco
Anvista de San Francisco.
Estato
 • Estato
 • Condato
Flag of the United States.svg Estatos Unitos
California
Condato de San Francisco
Superficie 600,70 km²
Población
 • Total
 • Densidat

7.354.555 hab. (2008)
6.688,40 hab/km²
Altaria 16 m.
Situación de San Francisco en o estato de California

Situación de San Francisco en o estato de California.
www.SFGov.org

San Francisco ye una ciudat y municipio estatounitense, en o estato de California, capital d'o condato de San Francisco.

A suya población ye de 7.354.555 habitants en una superficie de 600,70 km², con una densidat de población de 6.688,40 hab/km². Ye a quatrena ciudat de California por a suya población y a dotzena d'os Estatos Unitos.

Ye internacionalment conoixita por o Puent Golden Gate y tamién en estar a ciudat que tien una mayor libertad en os Estatos Unitos repective d'a homosexualidat, con a quala cosa ha consolidato en o país a suya fama de liberal.

En 1776 os espanyols establioron un fuerte en l'aria de l'actual Golden Gate y una misión clamada en honor a Francisco d'Asís. En 1848 la falaguera de l'oro de California empentó a ciudat en un periodo de creiximiento furo, pasando de 1.000 a 25.000 habitadors en un anyo. O poso castellano ye evident, y os nombres d'as carreras y vicos reflectan iste pasau, trucando o ficacio ya que en atras ciudatz americanas as carreras tasament tienen un numero y prou.

Quasi un tercio d'a población que viacha enta o treballo lo fa en transporte publico, y muitos en os tradicionals tranvías que puyan as empinadas costeras d'a bahía de Sant Francisco.

O transporte publico dentro d'a ciudat lo chestiona, más que más, a San Francisco Municipal Railway (conoixiu como Muni). O sistema , que ye propiedat d'a ciudat, ye un mezclallo de tren liuchero y metro, asinas como un rete d'autobuses. Os tranvías navegan por as carreras en os vicos perifericos, pero subterraneament en o centro. Antimás a “Muni” poseye a historica linia “F Market & Wharves”, que navega por as carreras superficials dende Castro dica Fisherman’s Wharf, y o sinyalero sistema de tranvías (que podetz veyer en a foto d’alto) que ha estau designau Hito Historico Nacional.

Cheografía[editar | editar código]

Se troba situata en o sudueste d'Estatos Unitos, a o canto de l'Ocián Pacifico, en a peninsula de San Francisco que desepara o Pacifico a l'ueste d'a badía de San Francisco a l'este, a 16 metros d'altaria sobre o ran d'a mar.

Vinclos externos[editar | editar código]