Fineses
| Fineses (suomalaiset) | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
  .jpg) .jpg) |
||||||||||||||||||
|
Kimi Raikkonen . Paavo Nurmi |
||||||||||||||||||
|
|
||||||||||||||||||
|
|
||||||||||||||||||
|
|
||||||||||||||||||
|
||||||||||||||||||
|
|
||||||||||||||||||
| Finés ey sueco | ||||||||||||||||||
|
|
||||||||||||||||||
| Cristianismo | ||||||||||||||||||
Os fineses habitan Finlandia, on son a mayoría d'a población con 4.500.000 millons d'individuos. Parlan una luenga uralica d'a branca finesa, son cristians luterans y la mayoría se dedica a l'agricultura y industria fustera.
[editar] Historia
Os debantpasatos d'os fineses plegoron a la costa baltica dende a cuenca d'a Volga y troboron pueblos indoeuropeus d'a branca balta. Se suposa que quan plegoron yeran cazataires-recolectors, con importancia d'a pescata fluvial. O nombre de fineses provién d'o etnonimo fenni, d'un pueblo mencionato por Tacito en o sieglo I y que poderban estar os lapons y no referir-se a los debantpasatos d'as comunidatz que huei dicimos finesas. En o sieglo VIII yeran estandillando-sen enta o norte por as actuals Finlandia y Carelia, y se i dividioron en quatre grupos, que desplazoron a los lapons enta o norte:
- Kvans u hamalaiset a l'este d'o Golfo de Botnia.
- Tavastes u hamalaiset en o destrito d'os lacos.
- Varsianis u suomalaiset en o sudueste de Finlandia.
- Carelios u karjalaiset en os arredols d'os lacos Ladoga y Onega.
As incursions d'os fineses contra os suecos facioron que os suecos encomenzasen una "cruzata" contra os fineses animistas-chamanistas. Con a conquiesta os suecos introducioron o cristianismo en l'actual Finlandia y entre os sieglos XIII y XVIII i ninvioron colons.
En os sieglos XV e XVI os fineses examploron lur aria d'asentamiento enta o norte empentando a los lapons. Con ixa espansión finesa tamién s'estendilló o feudalismo. En 1600 os suecos habioron de reprimir una revuelta campesina dita "revuelta d'as estacas" y introducioron una clase dirichent luterana. En o sieglo XVIII a influencia sueca s'enfeblió. En as guerras napolionicas Rusia invadió Finlandia, que fue anexionata en 1809.
L'administración rusa organizó Finlandia como Gran Ducato y fue respetuosa con as institucions y privilechios de fineses y suecos. Manimenos amaneixió un nacionalismo finés en o sieglo XIX a lo tiempo que encomenzó una rusificación forzata. En 1917 Finlandia declaró a suya independencia.
Dimpués d'a primera Guerra Mundial Finlandia perdió parte de Carelia a mans d'a Unión Sobietica. Dimpués d'o pacto secreto chermano-sovietico de 1939 os sovieticos obligoron a los fineses a ceder-lis atra part de Carelia. D'esta traza Finlandia alinió con o III Reich quan Alemania crebó ixe pacto. Como castigo por aliniar-se con l'eixe dimpués d'a segunda Guerra Mundial Finlandia encara habió de ceder més territorios. Dende 1917 Finlandia heba perdito o 10 % d'o suyo territorio y fue obligata a absorber a 500.000 refuchiatos carelios.
A reforma agraria y a industrialización, que encomenzoron a fer-se pa pagar as deudas de guerra a la Unión Sovietica han permitito a Finlandia desembolicar una sociedat capitalista con component socialdemocrata con un alto libel de vida.
[editar] Bibliografía
- Amiram Gonen, Diccionario de los pueblos del mundo. 1996 Anaya&Mario Muchnik.
