Entrena

De Biquipedia

Entrena
Nombre ofizial	{{{nombre_ofizial}}}
Estato	España
Comunidat autonoma	A Rioxa
Comunidat autonoma	[[{{{comunidat}}}]]
Probinzia	[[probinzia de {{{probinzia}}}|{{{probinzia}}}]]
Probinzia	[[probinzia d'{{{probinziad}}}|{{{probinziad}}}]]
Redolada	Redolada de Logroño
Monezipio	{{{monezipio}}}
Codigo postal	26375
Superfizie	21,03 km²
Altaria	559 m.
Distanzia	13 km á Logroño
Poblazión	1.451 ab. (2008)
Chentilizio	{{{chentilizio}}}
Ríos	{{{ríos}}}
Pachina web	www.Entrena.org

Entrena ye una localidat y monezipio d'A Rioxa, situato á 13 km de Logroño. A poblazión ye de 1.451 abitants^[1] en una superfizie de 21,03 km² y una densidat de 69,00 ab/km². O suyo término monezipal muga con Nabarret y Lardero á lo norte; con Albelda de Iregua á l'este; Nalda, Sorzano y Sojuela á lo sur y con Medrano a l'ueste. Estió establita en o sieglo X.

Contenius 1 Cheografía 2 Istoria 3 Nome 4 Puestos d'intrés 4.1 Molimentos relichiosos 4.2 Fuens 5 Demografía 5.1 Istoria 6 Economía 7 Almenistrazión 7.1 Reparto de conzellers 8 Fiestas 9 Beyer tamién 10 Referenzias 11 Bibliografía 12 Enrastres esternos

[editar] Cheografía

A orografía d'o monezipio ye plana, con una altaria entre os 500 e os 600 m. A mayor parte d'o monezipio se troba en un glazis, antigo cauz d'o Río Iregua.^[2] Enta o sur se troban os primeros altizos d'a Sierra de Moncalvillo. En ixa zona ye o nucleo de poblazión, sobre o pueyo El Conjuro.

En o termín no bi ha ríos importans.

[editar] Istoria

A zona estió poblata por romans, como amuestra a puebla d'a Dehesa (defesa u acampo en aragonés), antimás d'a calzata que i pasaba.

Alifonso I d'Asturias ”o Catolico” á meyos d'o sieglo VII lis prenió a billa á os musulmans.

Dende 1076 pertenixió a Castiella y a o suyo rei Alifonso VI. Iste rei, parando cuenta d'a balura estratechica d'a zona, que mugaba con os reinos d'Aragón y Nabarra, i debantó y repobló barias puestos fortals pa esfender os suyos intereses. Un d'istos puestos yera Entrena.

En 1160 Sancho VI de Nabarra repobló a billa.

En a documentazión de bellas donazions d'o rei Sancho Garzés IV de Nabarra aparixe Entrena con o nome en latín de Entedigone.

A billa estió donata per a reina Estefanía de Foix, biuda d'o rei Garzía Sánchez III de Navarra de Nachera t'o monasterio de Santa María la Real de Nachera, aparixendo nombrata como "Antelana".

En 1189 os flaires beneditins de Santa María la Reyal de Nachera donoron entre altras, a ilesia d'Entrena á o bispe de Calagorra.

O rei Enrique II de Castiella dona a billa á Juan Ramírez de Arellano por os serbizios apuntatos, seguntes aparix en a escritura de conzesión d'o señorío de Cameros. Dende allora a billa estió binculata ta os Arellano que teneban grans pleitos con os Gómez Manrique, siñors de Nabarret por donazión d'o rei Chuan I de Castiella a Diego Gómez Manrique de Lara en 1380.

En 1478 os bezins de Nabarret espaldoron as murallas d'Entrena.

[editar] Nome

Entrena aparixe cuaternata como Entedigone, Antelena, Entelena o Antrena en bels documentos istoricos.

[editar] Puestos d'intrés

[editar] Molimentos relichiosos

• Ilesia de San Martín debantata en 1545.
• Combento de Santa Clara. Establito en 1503 por don Carlos Ramírez d’Arellano y a suya muller Juana de Zúñiga, Contes d'Aguilar y siñors de Cameros. As primeras monchas plegaron de Tordesillas.
• Armita de Santa Ana. Situata a 2 km d'a localidat por a LR-137 de camín ta Navarrete. Parixe barroca, d'o sieglo XVIII, estió restaurata en 1964 y 2005. T'a Pascua granada bi ha una prozesión ta l'armita y dimpués se fa una lifara en o parache de Las Riberas.

[editar] Fuens

• Fuen de Las Riberas a o canto d'o Río Daroca.

[editar] Demografía

Eboluzión demografica d'Entrena, dende 1900.

Como ye situato a man d'a capital a suya poblacion ha crexito muito en as zagueras añadas. Entrena ha acullito a plegata de muitos inmigrants, a mayor parti marroquíes y rumanos.

[editar] Istoria

En o zenso de poblazión d'a Corona de Castiella esfeito en o sieglo XVI, Entrena aparixe en as adizions de Nájera con 232 bezinos (1.160 almas). En o anteriorment zitato Dizionario Cheográfico de Barzelona de 1830 Entrena ye citata con 255 bezinos (1.285 almas). En o zenso d'a Probinzia de Logroño de 1840 rechistra 181 bezinos (803 almas).

[editar] Economía

A suya economía s'alazeta en as esplotazions agricolas de regano (pereras) y a produzión de bins. En ista localidat bi ha zinco bodegas.

Tamién se i cautiban oliberas, zerials y manzaneras.

[editar] Almenistrazión

Lista d'alcaldes

Lechislatura	Nombre	Partito
1979-1983	Juan Ulecia Medrano	Indep.
1983-1987	Aquiliano Medrano Rodríguez	PSOE
1987-1991	Jose Luis Rodríguez Untoria	PSOE
1991-1995	Miguel Ángel Corral Navarro	PP
1995-1999	Miguel Ángel Corral Navarro	PP
1999-2003	Ricardo Cerrolaza Ruiz	PP
2003-2007	Manuel Rodríguez Rodríguez	PSOE
2007-2011	Esteban Pérez Díez	PP

[editar] Reparto de conzellers

Elezions monezipals
Partito	1979	1983	1987	1991	1995	1999	2003	2007
PP						5	2	5
PSOE						4	5	4
PR						0	1	0
Independients	9					-	1	-
Total	9	9	9	9	9	9	9	9

[editar] Fiestas

• 3 de febrero, San Blas.
• 11 d'abril, San Lázaro.
• 15 de mayo, San Isidro.
• La Hermedaña, en a Pascua granada.
• 10 de chulio, fiestas patronals en onor a San Cristofo.
• 26 de chulio, Santa Ana.
• 11 de nobiembre, San Martín.

[editar] Beyer tamién

• Lista de monezipios d'A Rioxa
• Redolada de Logroño
• Velilla de la Rad

[editar] Referenzias

1. ↑ ...(2007) Población, www.entrena.org
2. ↑ Casas Sainz, Antonio M.; Gil Imaz, Andrés; Muñoz Jiménez, Arsenio (1998), Guía geológica del valle del Iregua, Librería General. ISBN 84-7078-171-5

[editar] Bibliografía

• (es) VVAA. Ed. Luis Aramburu; Enciclopedia de La Rioja. ISBN 84-7407-162-3
• (es) GOVANTES, Ángel Casimiro de (1846), Real Academia de la Historia, Diccionario Geográfico e Histórico de España Seccion II comprende La Rioja o toda la Provincia de Logroño y algunos pueblos de la de Burgos., reimp., Logroño, Consejería de Educación, Cultura y Deportes, (1986). ISBN 84-505-3985-4.

[editar] Enrastres esternos

• Se beigan as imachens de Commons sobre Entrena.
• (es) Conzello
• (es) C.R.A. Moncalvillo
• (es) Mapa de Situazión