Pentecosta

De Biquipedia
Ir ta: navego, busca
Pentecosta por Giotto en Padua.
Pentecosta por Giotto en a National Gallery de Londres.

A Pentecosta (d'o griego pentekosté (heméra) "o cincuanteno día", a traviés d'o latín pentecostés literalment "cincuantena") describe a fiesta d'o cincuanteno día dimpués d'a Pascua (Domingo de Resurrección).

Mientres a Pentecosta se celebra la baixata d'o Esprito Santo sobre os apostols que, seguntes diz o libro d'os Feitos d'os Apostols:

procedent d'o cielo con forma de luengas de fuego que s'aposoron dencima d'ells

Por ixo tamién ye conoixita ista festividat como a celebración d'o Esprito Santo.

Ta la liturchia catolica ye a fiesta más important dimpués d'a Pasqua y o Nadal. A Eucaristia d'ista festividat incluye a seqüencia medieval Veni, Sancte Spiritus.

Historicament ista celebración se basa en a fiesta semanal chodiga dita Shavuot (fiesta d'as semanas), mientres a que se celebra o cincuanteno día de l'aparición de Dios en o mont de Sinai. Por ixo en o día de Pentecosta tamién se celebra a entrega d'a Lei (mandamientos) a lo pueblo d'Israel.

En o calandario cristiano a Pentecosta remata o tiempo pasqual d'os 50 días, dito periodo u tiempo de l'amistat.

En as narracions sobre a Pentecosta d'os Feitos d'os Apostols (2,1-41) li se da a lo Esprito Santo, igual que en l'Antigo Testamento, caracteristica miraglosas (carismas): ell ofreixe valentía y libertat, posibilita la comprensión (glosolalia) y fortifica una comunidat universal.

En as ilesias ortodoxas existe a més a celebración d'as Tres Divinas Personas u d'a Santisma Trinidat; as ilesias occidentals celebran ta ista ocasión dende o sieglo XIV a suya propia fiesta dita Trinitatis (a fiesta d'a Santisma Trinidat) una semana dimpués d'a Pentecosta.

A Pentecosta inspira o segundo movimiento cristiano protestant más gran d'o mundo, o Pentecostalismo, que tien más de 570 millons de seguidors.

Calendata de celebración[editar | editar código]

A suya fiesta ye móvil, ya que pende d'a calendata d'a Pasqua de Resurrección, que se fa con un calculo lunar, o que da como resultato una calendata variable cada anyada. Estando ista Pasqua celebrata en diferents calendatas, seguntes a confesión cristiana, allora la Pentecosta se celebra tamién en calendatas diferents seguntes a tradición occidental y oriental d'o cristianismo.

O lunes de Pentecosta ye día de fiesta en Alemanya, Austria, Catalunya, Francia, Liechtenstein, Islandia, Noruega, Belchica, Suiza y os Países Baixos.

Bibliografía[editar | editar código]

Vinclos externos[editar | editar código]