García Sánchez III de Navarra

De Biquipedia
Ir ta: navego, busca
García Sánchez III de Navarra
Rei de Navarra

1387 - 1425
Predecesor Sancho o Mayor
Succesor Sancho Garcés IV o de Penyalén

Naixencia 1020 ?
Muerte 15 de setiembre de 1054
Atapuerca
Pai Sancho III o Mayor
Mai Muniadona Sánchez

García Sánchez I de Navarra, O de Nachera, estió un rei de Navarra, naixito dimpués de 1020 y muerto en Atapuerca (hue Burgos) o 15 de setiembre de 1054, en a batalla d'Atapuerca.

Oríchens familiars[editar | editar código]

García Sánchez I yera o tercer fillo (o primer fillo yera Remiro, encara que fillo ilechitimo) de Sancho O Mayor de Navarra y de Munia Mayor Sánchez, filla de Sancho Garcés de Castiella.

O suyo reinau[editar | editar código]

En 1035 morió o suyo pai, Sancho O Mayor, y seguntes o suyo testamento o suyo primer fillo, Remiro, recibió o reino d'Aragón, o segundo fillo, Ferrando, o condato de Castiella, o tercer fillo, García Sánchez, o reino de Navarra, y o quatreno fillo, Gonzalo, os condatos de Ribagorza y Sobrarbe.

En 1037 García Sánchez aduyó a o suyo chirmán Ferrando I de Castiella a redotar a Bermudo III de Leyón, cunyato de Ferrando, en a batalla de Tamarón, a on morió Bermudo, o zaguer descendient d'o lechendario Don Pelayo. Dimpués d'a redota y muerte de Bermudo, os dos chirmans se repartioron o suyo reino: Ferrando s'apoderó d'o reino de Leyón y García Sánchez ixampló o suyo reino dica Cantabria, con o País Basco.

En 1043 García Sánchez redotó en a batalla de Tudela a o suyo chirmanastro Remiro I d'Aragón, y o reino d'Aragón perdió bells territorios occidentals, ceditos a o reino de Navarra.

Antiparte, en 1045 conquerió Calagorra, en A Riocha, ixamplando o suyo reino enta o sur, aprofitando a febleza d'os reinos de taifas dimpués de desfer-se o Califato de Cordoba, arredol de 1010.

En os anyos 1050, a baralla con o suyo chirmán Ferrando I de Castiella por a muga entre ambos reinos portó ta una guerra ubierta, y García Sánchez morió o 15 de setiembre de 1054 en a batalla d'Atapuerca contra as tropas d'o suyo chirmán.

Matrimonios y fillos[editar | editar código]

En 1038 García Sánchez casó con Estefanía de Foix, filla de Bernat Rocher de Foix, conte de Foix y Coserán, y Garsenda, contesa de Bigorra. Estefanía yera viuda d'o suyo primer matrimonio y teneba una filla clamata Constanza. Tenioron 9 fillos:

García Sánchez tenió tamién dos fillos bordes:


Predecesor:
Sancho o Mayor
Rei de Navarra
1035 - 1054
Succesor:
Sancho Garcés IV o de Penyalén