Dido endice

O dido endice

O dido endice ye o segundo dido d'a man humana, chusto a o costato d'o pulgar.

Por un regular ye o dido mas expresivo y sensitivo d'a man, encara que no ye o mas luengo. Bells estudeyos han contrimostrato que tener un dido endice mas chicot que o dido anular ye indicativo d'una propensión a estar un individuo mas atletico. Os hombres presentan una probabilitat 2.5 vegatas superior a las mullers de tener un endice mas curto que l'anular, feito que allora s'ha correlacionato con un incremento d'a probabilitat por parti d'as mullers de desenvolicar artritis.

Chestos

Ye un dido que por un regular s'usa ta sinyalar, encara que en bells países ye considerato un chesto de mala educación. Tamién se fa servir como simbolo d'haber ganato en una competición esportiva. D'atra man si se mueve de dreita ta cucha en un movimiento oscilant representa una negación. Si se zarra la boca de forma tanchencial con ell, gosa significar una petición de silencio.