Atena

De Biquipedia
Ir ta: navego, busca
Atena

Atena, (griego atico: Ἀθηνᾶ Athēnā o Ἀθηναία Athēnaia) tamién conoixida como Palas Atena (Παλλάς Αθηνά) ye, en a mitolochía griega, a diosa d'a guerra, a civilización, a sabieza, a estratechia, as artes, a chusticia y l'habilidat.

Ye una d'as prencipals deidatz d'o panteón griego y un d'os dotze dioses d'o Olimpo, Atena recibe culto en toda l'antiga Grecia y en toda a suya zona d'influencia, dende as colonias griegas d'Asia Menor a la peninsula Iberica y o norte d'Africa. O suyo equivalent aproximau en a mitolochía romana yera Minerva.

A versión mas actual d'o suyo mito la mete como filla de Zeus y Metis, naixida completament armada d'a cabeza a os pietz. Nunca no se casó, s'ha encargau de mantener una virchinidat perpetua. Estió una guerrera invencible en a guerra, mesmo contra Ares o dios d'a guerra. Se convirtió en patrona de quantas ciudatz, estando mas conoixida como a protectora d'Atenas y Atica. Tamién yera a protectora de quantos herois griegos y atros personaches miticos, que amaneixe en muitos d'os episodios d'a mitolochía. Estió una d'as diosas mas representadas en l'arte griego y o suyo simbolismo tenió una profunda influencia en o pensamiento griego, sobre tot en os conceptos de chusticia, a sabieza y a función civilizadora d'a cultura y as artes, que a suya influencia se veye encara hue en tot Occidente. A suya imachen ha sufierto quantas transformacions en os sieglos, a encorporación de nuevas caracteristicas, nuevos contextos y que influyen en a interacción con atras figuras simbolicas, mesmo ha penetrau en a cultura popular, a suya identidat de chenero ha estau fascinant atractivo especial t'os escritors relacionaus con o feminismo y a psicolochía y, por zaguer, qualques corrients relichiosas contemporanias han empecipiau a dar-le de nuevo una verdadera adoración, como por eixemplo en o dodecateísmo u neopaganismo helenico.

Mencions en fuents aragonesas[editar | editar código]

O nombre d'a diosa d'a intelichencia griega ye Atena en as traduccions medievals aragonesas, como veyemos en Vidas Semblants:

la troya ala dea Athena / & dimosteni(n) respuso / o dimadi aq(ue)lla Athena q(ue) tu dizes
& qua(n)do se p(ar)tie de Athenas se boluio deuers el (cielo) templo d(e)la dea Athena / & alc[']adas las manos deuers el cielo dixo / o senyora como sufres tu estos tr(e)s malos animal(e)s la cotuagia el drago(n) / & el su pueblo / & a qua(n)tos jouen(e)s yua(n) ael por aprender sciencia d(e)l los empachaua de no entremeter se enlos f(e)c(h)os comun(e)s