Arco (arquiteutura)
De Biquipedia
- Iste articlo ye sobre o elemento arquiteutonico. Ta atros emplegos se beiga arco.
Un arco (d'o latín arcus) ye un elemento construtibo linial de forma curbata, que premite cubrir o espazio buedo entre dos pilars u muros. Se composa de piezas dita dobelas, e puet adotar formas curbas mui diferents.
También se diz asinas á las estruturas construyitas autualment con forma arqueata, encara que sían d'una sola pieza, e que, en os suyos apoyos, funzionan d'a mesma traza que os construyitos con dobelas.
Una buelta se chenera por a suma d'arcos iguals, situatos ta otener un elemento construtibo "superfizial"; si os arcos son de meyo punto a superfizie estará semizelindrica.
Una cupula se fa por meyo d'a unión d'arcos iguals que s'apoyan en una zercunferenzia; si os arcos son de meyo punto a superfizie estará semiesferica.
