Volkswagen Beetle
| Volkswagen Beetle | |
|---|---|
 Volkswagen Beetle | |
Datos chenerals
| |
| Atros nombres | Volkswagen Tipo 1, Escarabajo, Coccinelle |
| Fabricant | Volkswagen |
| Disenyador | Ferdinand Porsche |
| Fabricas | Wolfsburg (Alemanya) , Puebla de Zaragoza (Mexico) y atras |
| Producción | 21.529.464 |
| Periodo | 1938–2003 |
Confeguración
| |
| Tipo | Turismo |
| Segmento | segmento C |
| Confeguración | Motor zaguero / tracción zaguera |
Grandaria
| |
| Largaria | 4,079 mm |
| Amplaria | 1,539 mm |
| Distancia entre eixes | 2,400 mm |
| Peso | 800–840 kg |
Motor
| |
| Cilindrada | 1285 cm³ |
| Motor | motor de benzina |
| Potencia | 32 kW |
| Par motor | 86 Nm |
Prestacions
| |
| Velocidat maxima | 125 km/h |
| Aceleración | 25 s (0–100 km/h) |
| Consumo | 8,5 L/100 km |
Atros modelos
| |
| Relacionato | Volkswagen Tipo 2, Porsche 356 |
| Parellanos | Citroën 2CV, Fiat 500, Renault Dauphine |
| Predecesor | KdF-Wagen |
| Succesor | Volkswagen Golf, Volkswagen New Beetle |
Volkswagen Beetle (en aragonés escarabacho), oficialment Volkswagen Tipo 1, yera un auto d'o segmento C desembolicau por Volkswagen. Volkswagen Beetle s'ensamblaba en diversas fabricas en diferents países, entre ellas en Wolfsburg (Alemanya) y Puebla de Zaragoza (Mexico).
Yera un auto de baixo coste produciu entre os anyos 1938 y 2003, exceptuando a epoca d'a Segunda Guerra Mundial. Estió lo primer auto d'a marca Volkswagen y se construyoron 21 millons de unidatz, superando a Ford T como lo modelo unico mas vendiu en a historia (modelos como lo Volkswagen Golf y Toyota Corolla comprenden quantas cheneracions).[1]
En 1974, o Volkswagen Golf substituyió a lo Beetle. Asinasmesmo en 1998 s'introdució lo Volkswagen New Beetle, construyiu sobre la plataforma d'o Volkswagen Golf contemporanio con un estilo que recuerda a lo Tipo 1 orichinal, que remanió en producción dica 2019.
Volkswagen Tipo 1 recibió numbrosos nombres populars que dimpués estioron adoptaus per Volkswagen en a suya publicidat y nomenclatura: Escarabajo en Archentina, Chile u Espanya; Käfer en Alemanya, Coccinelle en Francia, Cucaracha en Guatemala y Honduras, Maggiolino en Italia, Vocho u Vochito en Mexico, Tortuguita en Panamá, Garbus en Polonia, Volky en Puerto Rico, Cepillo en Republica Dominicana, Kaplumbaga en Turquía, Bug en Estaus Unius, Beetle en Reino Uniu, Fusca en Brasil, Paraguai y Uruguai, Buba en Croacia,...